గాడ్ అఫ్ మాసెస్ అనే బిరుదున్న నందమూరి బాలకృష్ణ, సంచలన దర్శకుడు కొరటాల శివ తొలిసారిగా కలిసి పనిచేయనున్న 'ఎన్బికె112' చిత్రానికి జూన్ 25న ప్రారంభోత్సవం జరగనుంది. అమరావతికి దగ్గరలో ఉన్న వెంకటాయపాలెంలోని తిరుమల తిరుపతి దేవస్థానం ప్రాంగణంలో ఈ గ్రాండ్ లాంచ్ కార్యక్రమాన్ని నిర్వహించాలని చిత్ర బృందం అధికారికంగా తెలిపింది.
ఈ వేడుకకు ఆంధ్రప్రదేశ్ రాష్ట్ర మంత్రులు నారా లోకేష్, కందుల దుర్గేష్ ముఖ్య అతిథులుగా విచ్చేయనుండటంతో కార్యక్రమం మరింత ప్రతిష్టాత్మకంగా మారింది. ఎస్ఎల్వి సినిమాస్ బ్యానర్పై సుధాకర్ చెరుకూరి, యువసుధ ఆర్ట్స్ పతాకంపై సుధాకర్ మిక్కిలినేని ఈ భారీ ప్రాజెక్ట్ను సంయుక్తంగా నిర్మిస్తున్నారు.
మాస్ సినిమాల రూపకల్పనలో దిట్టలైన ఈ ఇద్దరు దిగ్గజాల కలయికపై సినీ వర్గాలు, అభిమానుల్లో ఇప్పటికే భారీ అంచనాలు నెలకొన్నాయి. బాలకృష్ణ తెరపై ఉన్న భారీ ఇమేజ్కు తగ్గట్లుగా కొరటాల శివ ఒక పవర్ఫుల్ కథను సిద్ధం చేశారని సమాచారం.
ఈ చిత్రం ప్రారంభోత్సవం ఆంధ్రప్రదేశ్ రాజధాని ప్రాంతంలో జరగడం, రాష్ట్ర మంత్రులు హాజరుకావడం స్థానికంగా మరింత ప్రాధాన్యతను సంతరించుకుంది.
