నటి భాగ్యశ్రీ బోర్సే తాజాగా 'లెనిన్' సినిమా ప్రచార కార్యక్రమాలలో పాల్గొంటూ, ఔరంగాబాద్ తన మొదటి ఇల్లు కాగా, హైదరాబాద్ ఇప్పుడు రెండో ఇల్లుగా మారిందని వెల్లడించారు. తనకు హైదరాబాద్లో ఇప్పటికే ఒక నివాసం ఉందని ఆమె తెలిపిన విషయం నెటిజన్ల దృష్టిని ఆకర్షించింది.
భాగ్యశ్రీ తన నివాసం గురించి మాట్లాడినప్పటికీ, సోషల్ మీడియా వేదికగా కొందరు అది హీరో రామ్ పోతినేని ఇల్లు కావచ్చునంటూ కామెంట్లు చేస్తున్నారు. ఒక యాంకర్ తెలుగు హీరోలను వివాహమాడిన తర్వాత చాలా మంది హీరోయిన్లు హైదరాబాద్లోనే శాశ్వతంగా స్థిరపడతారని వ్యాఖ్యానించగా, దానికి భాగ్యశ్రీ సిగ్గుపడటం ఈ ఊహాగానాలకు మరింత ఊతమిచ్చినట్లైంది.
రామ్ పోతినేని, భాగ్యశ్రీ కలిసి 'ఆంధ్ర కింగ్' సినిమాలో నటించిన సమయంలోనే వీరి మధ్య డేటింగ్ నడుస్తుందనే ప్రచారం మొదలైంది. ఆ సినిమా ప్రచారం కోసం ఇద్దరూ కలిసి అమెరికా కూడా వెళ్లారు. అయితే, అప్పట్లో ఓ ఇంటర్వ్యూలో స్పందించిన భాగ్యశ్రీ, రామ్ తనకు మంచి స్నేహితుడు మాత్రమేనని, నటుడిగా ఆయనపై తనకు గౌరవం ఉందని, కానీ వారి మధ్య ఎలాంటి సంబంధం లేదని స్పష్టం చేశారు.
ఇన్నాళ్లకు భాగ్యశ్రీ 'హైదరాబాద్ నా రెండో ఇల్లు' అని చేసిన వ్యాఖ్యలతో రామ్ పోతినేనిపై ఉన్న ప్రేమ పుకార్లు మళ్లీ హాట్ టాపిక్గా మారాయి. దీంతో సోషల్ మీడియాలో ఈ జంటపై చర్చలు మళ్లీ ఊపందుకున్నాయి.
