కరీంనగర్ జిల్లా తిమ్మాపూర్ మండలం నుస్తులాపూర్ గ్రామం శివారులో గంగాధర లక్ష్మి అనే మహిళకు కూలి పని ఇస్తానని ఒక వ్యక్తి మోసం చేశాడు. ఆమెను బావి వద్దకు తీసుకువెళ్లి ఒంటిపై ఉన్న బంగారు ఆభరణాలు దోచుకొని, ఆమెను బావిలోకి తోసేసి పారిపోయాడు.
మహిళకు ఈత రావడంతో రాత్రి పూట బావిలోనే ఉండి ప్రాణాలు కాపాడుకుంది. గురువారం ఉదయం బావి యజమాని ఆమెను గుర్తించి పోలీసులకు సమాచారం ఇచ్చాడు.
పోలీసులు స్థానికుల సహాయంతో మంచం, తాళ్లసాయం ఉపయోగించి ఆమెను బయటకు లాగి కరీంనగర్ ఆసుపత్రికి తరలించారు. ఆమె ఆరోగ్యం స్థిరంగా ఉంది.
పోలీసులు ఈ ఘటనకు పాల్పడిన నిందితుడిని గుర్తించడానికి పరిశీలన చేస్తున్నారు. ఎల్ఎండి ఎస్ఐ సయ్యద్ అన్వర్ ఈ కేసును నమోదు చేసుకున్నట్లు తెలిపారు.
