కొలంబోలో ఆదివారం మొదలైన రెండో టెస్టులో టీమిండియా బ్యాటర్లు రాణిస్తున్నారు. దేవదత్ పడిక్కల్ 61 పరుగులు, శుభ్మన్ గిల్ 50 పరుగులతో క్రీజులో ఉండి అర్ధశతకాలు పూర్తి చేసుకున్నారు.
ఇన్నింగ్స్ ఆరంభంలో యశస్వి జైస్వాల్ దూకుడుగా ఆడి 45 పరుగులు చేశాడు. అయితే, అశితా ఫెర్నాండో బౌలింగ్లో జైస్వాల్ క్లీన్ బౌల్డ్ అయ్యాడు. ఆ తర్వాత క్రీజులోకి వచ్చిన కేఎల్ రాహుల్ 18 పరుగులు చేసి వెనుదిరిగాడు.
ఈ మ్యాచ్ ద్వారా సారాంశ్ జైన్ అంతర్జాతీయ క్రికెట్లో ఆరంగేట్రం చేశాడు. ఇప్పటివరకు భారత్ 50.3 ఓవర్లలో 2 వికెట్లు కోల్పోయి 185 పరుగులు చేసింది.
ఈ సిరీస్లో ఇప్పటికే ఒక మ్యాచ్ గెలిచిన భారత్, ఈ పోరులో కూడా నెగ్గాలని చూస్తోంది. ఈ మ్యాచ్ గెలిచి 2-0తో సిరీస్ను క్లీన్స్వీప్ చేస్తే, ప్రపంచ టెస్టు చాంపియన్షిప్ (ప్రపంచ దేశాల మధ్య జరిగే టెస్ట్ క్రికెట్ టోర్నీ) పాయింట్ల పట్టికలో భారత్ 57.58 శాతంతో నాలుగో స్థానానికి చేరుకునే అవకాశం ఉంది.
