మైత్రీ మూవీ మేకర్స్ బ్యానర్పై నవీన్ యెర్నేని, వై రవిశంకర్ భారీ బడ్జెట్తో నిర్మిస్తున్న చిత్రం 'రణబాలి'. టీ సిరీస్ సమర్పణలో వస్తున్న ఈ సినిమాకు రాహుల్ సంకృత్యన్ దర్శకత్వం వహిస్తున్నారు. 1854 నుంచి 1878 మధ్య బ్రిటీష్ పాలనలో జరిగిన యదార్థ సంఘటనల ఆధారంగా ఈ కథను రూపొందిస్తున్నారు. ఇటీవలే రాయలసీమలోని పలు ప్రాంతాల్లో ఈ సినిమా షూటింగ్ పూర్తయింది.
ఈ చిత్రంలో తన పాత్ర కోసం విజయ్ దేవరకొండ ప్రత్యేక శ్రద్ధ తీసుకున్నారు. తన కెరీర్లోనే అత్యంత కఠినమైన శిక్షణను ఆయన ఈ సినిమా కోసం తీసుకున్నట్లు సమాచారం. పాత్రకు తగ్గట్టుగా సహజంగా కనిపించేందుకు నెలల తరబడి ఫిట్నెస్ వర్కవుట్స్ చేసినట్లు నివేదికలు చెబుతున్నాయి.
ముఖ్యంగా గుర్రపు స్వారీ, కత్తిసాము, ఆయుధాల వాడకం మరియు తుపాకీని ఆపరేట్ చేయడంలో విజయ్ ప్రత్యేక శిక్షణ పొందారు. ఆ పాత్రలో పూర్తిగా ఒదిగిపోయేందుకు ఆయన కఠోర శ్రమ చేసినట్లు టాలీవుడ్లో చర్చ జరుగుతోంది.
చారిత్రక నేపథ్యం ఉన్న ఈ భారీ పాన్ ఇండియా చిత్రం సెప్టెంబర్ 11న ప్రేక్షకుల ముందుకు రానుంది.
