పాన్ ఇండియా స్టార్ ప్రభాస్ విదేశాల్లో కోట్ల రూపాయల విలువైన విల్లా కొనుగోలు చేశారంటూ సోషల్ మీడియాలో జరుగుతున్న ప్రచారంపై నటుడు ప్రభాస్ శ్రీను స్పష్టత ఇచ్చారు. ఎన్టీవీ పాడ్కాస్ట్లో ఆయన మాట్లాడుతూ, సోషల్ మీడియాలో వచ్చే ప్రతి వార్తను నిజమని నమ్మవద్దని ప్రేక్షకులకు సూచించారు.
ప్రభాస్తో కలిసి చార్టర్డ్ ఫ్లైట్లో ప్రయాణించినంత మాత్రాన ఆ విమానం తనదే అని ఎలా చెప్పలేమో, విదేశీ ఇళ్ల విషయంలో కూడా అలాంటి ప్రచారాలను అలాగే చూడాలని ఆయన పేర్కొన్నారు. ఇలాంటి వార్తలను ఎవరో రాస్తారని, వాటి వెనుక ఉన్న నిజానిజాలు తెలియకుండానే చాలామంది నమ్మేస్తుంటారని ఆయన అభిప్రాయపడ్డారు.
ప్రభాస్ తరచూ విదేశాలకు వెళ్లడం వెనుక ఉన్న అసలు కారణాన్ని కూడా శ్రీను వివరించారు. హైదరాబాద్లో స్టార్గా ఉన్నప్పుడు అభిమానులు, భద్రత, మీడియా హడావిడి మధ్య స్వేచ్ఛగా తిరిగే అవకాశం ప్రభాస్కు ఉండదు. అందుకే ప్రశాంతత కోసం, సాధారణ వ్యక్తిలా గడపడం కోసం ఆయన విదేశాలను ఎంచుకుంటారని చెప్పారు.
షూటింగ్లతో బిజీగా ఉండే ప్రభాస్కు మానసిక విశ్రాంతి చాలా అవసరమని, అందుకే విదేశీ పర్యటనల్లో ఉన్నప్పుడు పనికి దూరంగా ఉంటూ ఫోన్ కాల్స్ కూడా తగ్గించుకుంటారని శ్రీను తెలిపారు. ప్రభాస్కు పరిమితమైన స్నేహితులు మాత్రమే ఉంటారని, సోషల్ మీడియా ప్రచారాలను కాకుండా నిజాలను మాత్రమే నమ్మాలని ఆయన కోరారు.
