ప్రభాస్ హీరోగా నాగ్ అశ్విన్ దర్శకత్వంలో తెరకెక్కిన 'కల్కి 2898 AD' భారీ విజయం తర్వాత, ఇప్పుడు ఈ సినిమా సీక్వెల్ కోసం మేకర్స్ సిద్ధమవుతున్నారు. ఈ క్రమంలో వైజయంతీ మూవీస్ బ్యానర్పై రూపొందుతున్న 'కల్కి 2' కోసం అధికారికంగా కాస్టింగ్ కాల్ ఇచ్చారు. నటనపై ఆసక్తి ఉండి, ఈ సినిమా ప్రపంచంలో భాగం కావాలనుకునే ఔత్సాహిక నటీనటులకు ఇది ఒక మంచి అవకాశం.
ఈ కాస్టింగ్ ప్రక్రియలో వయసుతో సంబంధం లేకుండా, టాలెంట్ ఉన్న ఎవరైనా పాల్గొనవచ్చని చిత్ర బృందం స్పష్టం చేసింది. ఆసక్తి ఉన్నవారు తమ ప్రొఫైల్, పోర్ట్ఫోలియో మరియు నటనకు సంబంధించిన వివరాలను [email protected] ఈమెయిల్ అడ్రస్కు పంపాల్సి ఉంటుంది. అయితే, ఏయే పాత్రల కోసం నటీనటులను ఎంపిక చేస్తున్నారనే వివరాలను మేకర్స్ ఇంకా వెల్లడించలేదు.
మొదటి భాగం 'కల్కి 2898 AD' ప్రపంచవ్యాప్తంగా రూ. 1000 కోట్లకు పైగా వసూళ్లను సాధించి సృష్టించింది. ప్రభాస్ భైరవగా, అమితాబ్ బచ్చన్ అశ్వత్థామగా, కమల్ హాసన్ సుప్రీమ్ యాస్కిన్గా, దీపికా పదుకొనే సుమతిగా నటించిన ఈ చిత్రం ప్రేక్షకులను ఆకట్టుకుంది.
సీక్వెల్లో భైరవ పాత్ర వెనుక ఉన్న రహస్యాలు, సుప్రీమ్ యాస్కిన్ పాత్రకు ఉండబోయే ప్రాధాన్యతపై ఇప్పటికే భారీ అంచనాలు ఉన్నాయి. ఈ క్రేజీ యూనివర్స్లో కొత్త ముఖాలకు చోటు దక్కనుండటంతో, నటనపై ఆసక్తి ఉన్నవారికి ఇది ఒక సువర్ణావకాశంగా మారింది. తమ టాలెంట్పై నమ్మకం ఉన్నవారు ఆలస్యం చేయకుండా వివరాలను పంపాలని మేకర్స్ సూచించారు.
ప్రభాస్తో కలిసి స్క్రీన్ షేర్ చేసుకునే అవకాశం ఎవరికి దక్కుతుందో వేచి చూడాలి.
