రెబల్ స్టార్ ప్రభాస్ ప్రస్తుతం వరుసగా సినిమాలతో బిజీగా ఉన్నారు. ఆయన చేతిలో ఫౌజీ, స్పిరిట్, కల్కి సీక్వెల్ చిత్రాలు ఉన్నాయి. వీటిలో సందీప్ రెడ్డి వంగ దర్శకత్వంలో వస్తున్న యాక్షన్ కాప్ డ్రామా 'స్పిరిట్'పై ప్రేక్షకుల్లో భారీ అంచనాలు ఉన్నాయి.
ఈ సినిమా షూటింగ్ ఇప్పటికే 40 శాతం పూర్తయింది. ఈ చిత్రంలో ప్రభాస్ పవర్ఫుల్ పోలీస్ అధికారిగా కనిపిస్తారని, ఆయన పాత్ర విధ్వంసం సృష్టిస్తుందని చిత్రయూనిట్ ధీమా వ్యక్తం చేస్తోంది. విడుదలైన ప్రమోషనల్ కంటెంట్ కూడా సినిమాపై ఆసక్తిని పెంచింది.
ఈ నేపథ్యంలో, కత్రినా కైఫ్ ఈ చిత్రంలో ఒక కీలక పాత్రలో నటించనున్నట్లు సినిమా వర్గాల్లో ప్రచారం జరుగుతోంది. టాలీవుడ్లో 'మల్లీశ్వరి' వంటి బ్లాక్బస్టర్ సినిమాతో గుర్తింపు పొందిన కత్రినా, ఆ తర్వాత బాలీవుడ్లో స్థిరపడ్డారు. పెళ్లి తర్వాత సినిమాలకు విరామం తీసుకున్న ఆమె, తల్లిగా మారిన తర్వాత తిరిగి సినిమాల్లోకి రావడానికి ప్రణాళికలు సిద్ధం చేసుకుంటున్నారు.
నిజంగా కత్రినాకు ఈ చిత్రంలో అవకాశం దక్కుతుందా లేదా అనేది కాలమే నిర్ణయించాలి. ఆమె ప్రభాస్ సరసన నటిస్తూ బలమైన రీఎంట్రీ ఇస్తుందా లేదా అన్నది ప్రస్తుతం ఆసక్తికరంగా మారింది.
