దర్శకుడు నితీష్ తివారి దర్శకత్వంలో రణబీర్ కపూర్, సాయి పల్లవి మరియు యష్ నటిస్తున్న ప్రతిష్టాత్మక చిత్రం 'రామాయణ'. ఈ సినిమాను ప్రపంచవ్యాప్తంగా భారీ స్థాయిలో విడుదల చేసేందుకు సన్నాహాలు జరుగుతున్నాయి. తాజా సమాచారం ప్రకారం, ఈ చిత్రం ఏకంగా 50 వేలకుపైగా స్క్రీన్లలో ప్రేక్షకుల ముందుకు రానుంది.
గతంలో 'ఒడిస్సీ' సినిమా 25 వేలకుపైగా స్క్రీన్లలో విడుదలైంది. అయితే, అందులో చైనా మార్కెట్ విడుదల లేదు. 'రామాయణ' చిత్రం 'అవతార్ 2' స్థాయి విడుదల దక్కించుకుంటే, భారతీయ సినిమా చరిత్రలో అత్యధిక స్క్రీన్లలో విడుదలైన మొదటి చిత్రంగా నిలుస్తుంది.
ఈ భారీ విడుదలకు ఓవర్సీస్ డిస్ట్రిబ్యూటర్ సోనీ పిక్చర్స్ ప్రధాన కారణమని తెలుస్తోంది. వారి సారథ్యంలో అంతర్జాతీయ మార్కెట్లో ఈ సినిమాను విస్తృతంగా విడుదల చేయనున్నారు.
అయితే, ఇన్ని స్క్రీన్లలో విడుదలైనంత మాత్రాన సరిపోదు. సినిమాకు ప్రేక్షకుల నుంచి ఆదరణ లభిస్తేనే భారీ వసూళ్లు సాధ్యమవుతాయి. ఈ విడుదల ప్రణాళికలపై మరిన్ని స్పష్టమైన వివరాలు తెలియాల్సి ఉంది.
