మహబూబాబాద్లోని ఎస్పీ కార్యాలయం పక్కన ఉన్న ప్రభుత్వ ఐటీఐ (ITI) ప్రాంగణంలో ఆగస్టు 13న మినీ జాబ్ మేళా జరగనుంది. క్వెస్ కార్పొరేషన్ లిమిటెడ్ సంస్థ ఈ కార్యక్రమాన్ని నిర్వహిస్తోంది. వివిధ కంపెనీల్లో ఖాళీగా ఉన్న శిక్షణార్థి ఉద్యోగాల భర్తీ కోసం ఈ మేళా ఏర్పాటు చేశారు.
ఈ ఉద్యోగాలకు ఇంటర్మీడియట్, ఐటీఐ, డిప్లొమా, బీటెక్ (B.Tech) లేదా డిగ్రీ పూర్తి చేసిన అభ్యర్థులు దరఖాస్తు చేసుకోవచ్చు. ఎంపికైన వారికి నెలకు ₹15,000 నుంచి ₹22,000 వరకు వేతనం లభిస్తుంది. Kia India, Ather, Schneider, PITTI Torque Motors వంటి ప్రముఖ కంపెనీల్లో ఈ ఉద్యోగ అవకాశాలు అందుబాటులో ఉన్నాయి.
అభ్యర్థులు తమ విద్యార్హత ధ్రువీకరణ పత్రాలు మరియు బయోడేటాతో నేరుగా ఈ జాబ్ మేళాకు హాజరు కావాలని నిర్వాహకులు సూచించారు. అభ్యర్థుల కోసం ఉచిత రవాణా సౌకర్యంతో పాటు టీ, స్నాక్స్ వంటి ఏర్పాట్లు కూడా కల్పించనున్నారు.
