టాక్స్ లాయర్గా నెలకు రూ. 1 లక్ష వరకు జీతం పొందుతున్న మెహర్ వర్మ, తన స్థిరమైన ఉద్యోగాన్ని వదిలి రూ. 10 వేల జీతం ఇచ్చే పనిని ఎంచుకున్నారు. స్వేచ్ఛగా పనిచేసే అవకాశం కోసం ఆమె ఈ నిర్ణయం తీసుకున్నారు. 27 ఏళ్ల మెహర్ వర్మ తన సక్సెస్ జర్నీని సోషల్ మీడియాలో పంచుకున్నారు.
గతంలో లాయర్గా పనిచేస్తున్నప్పుడు వారాంతాలు ముగియగానే సోమవారం వస్తుందనే భయం తనలో ఉండేదని ఆమె పేర్కొన్నారు. ఉద్యోగంతో పాటు కంటెంట్ క్రియేషన్ను బ్యాలెన్స్ చేసేందుకు ప్రయత్నించిన ఆమె, ఫోటోగ్రఫీ కోర్సు కూడా చేశారు. 2004లో మొదటి ఫ్రీలాన్స్ ప్రాజెక్ట్ ద్వారా ఏడు నుంచి ఎనిమిది వీడియోలు రూపొందించి రూ. 10 వేలు సంపాదించారు. ఆ తర్వాతే పూర్తిస్థాయిలో కంటెంట్ క్రియేటర్గా మారాలని నిర్ణయించుకున్నారు.
ఈ మార్పు కోసం ఆమె ఎడిటింగ్, స్టోరీటెల్లింగ్, ఫోటోగ్రఫీ, యూజీసీ (UGC), స్ట్రాటజీ వంటి అంశాలపై కోర్సులు చేశారు. పలువురిని సంప్రదించి ఫ్రీలాన్స్ క్లయింట్లను సంపాదించుకున్నారు. మూడేళ్ల తర్వాత లాయర్గా సంపాదించిన దానికంటే రెట్టింపు ఆదాయాన్ని కంటెంట్ క్రియేటర్ కమ్ సోషల్ మీడియా స్ట్రాటజిస్ట్గా పొందుతున్నారు.
ఈ కొత్త కెరీర్ తనకు ప్రయాణించే స్వేచ్ఛను, అభిరుచులకు సమయాన్ని ఇస్తుందని ఆమె తెలిపారు. అయితే కంటెంట్ క్రియేషన్ రంగంలో క్లయింట్లు వస్తుంటారని, ప్రతిసారీ భారీ విజయం దక్కకపోవచ్చని ఆమె హెచ్చరించారు. అయినప్పటికీ ఈ జీవనశైలి పట్ల సంతృప్తిగా ఉన్నానని, ధైర్యంగా ముందుకు సాగుతానని ఆమె పేర్కొన్నారు.
