గల్ఫ్ ప్రాంతంలోని CIA అనుబంధ కేంద్రాలపై ఇరాన్ డ్రోన్ల ద్వారా దాడులు జరిగినట్లు సమాచారం వెల్లడైంది. సౌదీ అరేబియాలోని రియాద్లోని అమెరికా రాయబార కార్యాలయంలోని CIA కేంద్రం, ఇరాక్లోని మరో CIA అనుబంధ ప్రాంతం లక్ష్యంగా మారినట్లు నివేదికలు. ఈ దాడుల్లో ఇరాన్ ‘షహీద్’ డ్రోన్లను ఉపయోగించారని పాశ్చాత్య నిఘా వర్గాలు అనుమానిస్తున్నాయి.
ఈ డ్రోన్ల అత్యంత ఖచ్చితత్వం అమెరికా అధికారుల్లో ఆందోళనలను పెంచింది. రష్యా ‘కొమెటా-ఎం’ శాటిలైట్ నావిగేషన్ సాంకేతికతను ఇరాన్ డ్రోన్లలో ఉపయోగించారని పరిశీలిస్తున్నారు. ఈ సాంకేతికత వల్ల ఎలక్ట్రానిక్ జామింగ్ ద్వారా డ్రోన్లను అడ్డుకోవడం కష్టమవుతుందని నిపుణులు విశ్లేషించారు.
రష్యా-ఇరాన్ సైనిక సహకారం కొనసాగుతున్న నేపథ్యంలో, ఈ దాడుల వెనుక నిఘా సమాచారం ఉందా లేదా కేవలం సాంకేతిక సహాయమేనా అనే దానిపై అమెరికా దర్యాప్తు చేస్తోంది. ఇరాన్ అసలు లక్ష్యం అమెరికా రాయబార కార్యాలయాలేనా లేక CIA కేంద్రాలు అనుకోకుండా దెబ్బతినాయో అనే విశ్లేషణలు కూడా జరుగుతున్నాయి.
ఈ దాడులు గల్ఫ్ రాజకీయాల్లో హాట్టాపిక్గా మారాయి. ఇరాన్ డ్రోన్ దాడుల వెనుక రష్యా పాత్ర ఉందా లేదా ఇది కేవలం అనుమానమేనా అనే ప్రశ్నకు సమాధానం కోసం అమెరికా దర్యాప్తు కొనసాగుతోంది.
