బ్రిక్స్ సమ్మిట్ (బ్రెజిల్, రష్యా, ఇండియా, చైనా, దక్షిణాఫ్రికా దేశాల కూటమి) కోసం న్యూఢిల్లీకి వచ్చిన రష్యా అధ్యక్షుడు వ్లాదిమిర్ పుతిన్, విమానం నుంచి దిగిన తర్వాత తన కోటును విప్పిన దృశ్యాలు సోషల్ మీడియాలో విస్తృతంగా వ్యాపించాయి. ఆయన ఎంతో సునాయాసంగా, ఒక్క కదలికతో కోటును తొలగించి పక్కనే ఉన్న భద్రతా సిబ్బందికి అందించారు.
ఈ వీడియోలో పుతిన్ తన వాహనం వైపు నడుస్తూ, కారు ఎక్కడానికి ముందు వేగంగా కోటును విప్పడం కనిపిస్తోంది. 73 ఏళ్ల వయసులో కూడా ఆయన చూపించిన వేగం, నియంత్రణ, హుందాతనంపై నెటిజన్లు ఆసక్తికరమైన కామెంట్లు చేస్తున్నారు.
పుతిన్ నడక తీరు కూడా గతంలో పలుమార్లు చర్చకు వచ్చింది. ముఖ్యంగా ఆయన నడుస్తున్నప్పుడు కుడి చేతిని తక్కువగా ఊపుతూ, శరీరానికి దగ్గరగా ఉంచే విధానం పరిశీలకుల దృష్టిని ఆకర్షించింది. ఆయన మాజీ కేజీబీ (రష్యా గూఢచారి సంస్థ) అధికారి కావడంతో, ఆ సంస్థలో పొందిన సుదీర్ఘ శిక్షణ వల్లే ఈ నడక వచ్చిందని గతంలో ప్రచారంలోకి వచ్చింది.
అయితే, ఆయన కుడిచేతి కదలిక లేదా కోటు విప్పే విధానం నేరుగా కేజీబీ శిక్షణ వల్లే వచ్చిందని చెప్పడానికి ఎటువంటి ఆధారాలు లేవు. గతంలో వచ్చిన కొన్ని కథనాలు ఆయన నడకను శారీరక అలవాట్లు, శిక్షణతో ముడిపెట్టే ప్రయత్నం చేశాయి తప్ప, దీనిపై ఎటువంటి స్పష్టత లేదు.
రాజకీయ సమావేశాల కోసం వచ్చిన పుతిన్, తన ప్రత్యేక శైలితో ఇప్పుడు సోషల్ మీడియాలో హాట్ టాపిక్గా మారారు. బ్రిక్స్ సమ్మిట్కు సంబంధించిన రాజకీయ పరిణామాలతో పాటు, ఆయన వ్యక్తిగత శైలిపై కూడా నెటిజన్లు విస్తృతంగా చర్చిస్తున్నారు.
