బిగ్ బాస్ హౌస్‌లో జరిగిన కెప్టెన్సీ పోటీలో వంశీ విజేతగా నిలిచారు. మ్యూజిక్ ఆగినప్పుడు గంటను కొట్టి, తమకు నచ్చిన వారికి దండ వేసేలా ఇంటి సభ్యులకు బిగ్ బాస్ అవకాశం ఇచ్చారు. ఇందులో వంశీకి ఎక్కువ దండలు పడటంతో ఆయన కొత్త కెప్టెన్‌గా బాధ్యతలు చేపట్టారు. వంశీ కెప్టెన్ కావడంతో ఆయన స్నేహితుడు త్రిగున్ ఆయన్ని భుజాల మీద ఎత్తుకుని సంబరాలు చేసుకున్నారు.
కెప్టెన్సీ రేసులో త్రిగున్, వంశీ, శ్వేతా, దేబ్జానీ పోటీ పడ్డారు. ఇంటి సభ్యులైన వర్షిణి, శివ, నరేష్, ముకేశ్, అమన్, సుధీర్, రామకృష్ణ, రామ్ ప్రసాద్, నీతూ మాస్టర్ తమకు నచ్చిన వారికి దండలు వేశారు. ఇందులో వంశీకి అత్యధిక మద్దతు లభించగా, శ్వేతాకు కూడా కొన్ని దండలు పడ్డాయి.
ఇక ఈ వారం నామినేషన్ల నుంచి వంశీ, శ్వేతా, త్రిగున్, దేబ్జానీ సేఫ్ అయ్యారు. రివెంజ్, రివార్డ్ టాస్కుల్లో గెలవడం వల్ల వీరికి ఈ అవకాశం దక్కింది. ఈ టాస్కుల్లో గెలవని వారు తమ కుటుంబ సభ్యులను కలిసే అవకాశాన్ని కోల్పోయారు. అయితే, బిగ్ బాస్ వీరికి మరో అవకాశం ఇచ్చారు.
కుటుంబ సభ్యులను కలిసే అవకాశం కోసం వర్షిణి, ముకేశ్, అమన్, నరేష్ మధ్య పోటీ జరిగింది. ఇందులో ముకేశ్, వర్షిణి గెలిచారు. కానీ, ముకేశ్, వర్షిణిలలో ఒకరు మాత్రమే తమ కుటుంబ సభ్యులను కలవాలని బిగ్ బాస్ నిబంధన పెట్టారు. దీంతో ముకేశ్ తన కుటుంబ సభ్యులను కలిసేందుకు ఎంపికయ్యారు. ముకేశ్ కోసం వర్షిణి తన అవకాశాన్ని త్యాగం చేసి కన్నీళ్లు పెట్టుకుంది.
మరోవైపు, హౌస్‌లో కెప్టెన్ త్రిగున్, వర్షిణి మధ్య గొడవలు జరిగాయి. వర్షిణి కప్పులు కడగలేదని, ఫుడ్ వేస్ట్ చేసిందని త్రిగున్ ఆమెకు చాయ్ ఇవ్వలేదు. దీనిపై వర్షిణి, ముకేశ్, త్రిగున్ మధ్య వాదనలు జరిగాయి. బాత్రూం క్లీన్ చేయలేదని త్రిగున్ అడగడంతో వర్షిణి, ముకేశ్ గొడవకు దిగారు. నరేష్ సంచాలక్‌గా (నిర్ణేతగా) వ్యవహరించిన టాస్కుల్లో కూడా గొడవలు జరిగాయి.
