మూడో వన్డేలో టాస్ గెలిచి బ్యాటింగ్ ఎంచుకున్న ఇంగ్లాండ్ జట్టు భారీ స్కోరును నమోదు చేసింది. ఓపెనర్లు డకెట్, బెతెల్ కలిసి 192 పరుగుల భాగస్వామ్యాన్ని నెలకొల్పి జట్టుకు బలమైన పునాది వేశారు.
డకెట్ 135 బంతుల్లో 141 పరుగులు చేసి సెంచరీతో అలరించగా, బెతెల్ 91 పరుగుల వద్ద అవుట్ అయ్యాడు. ఆ తర్వాత క్రీజులోకి వచ్చిన జో రూట్ 74 పరుగులతో నాటౌట్గా నిలిచాడు. చివర్లో జోస్ బట్లర్ కేవలం 13 బంతుల్లోనే అజేయంగా 41 పరుగులు చేసి స్కోరును 387కు చేర్చాడు.
భారత బౌలర్లలో ప్రసిద్ధ్ కృష్ణ 2 వికెట్లు తీయగా, ప్రిన్స్ యాదవ్ ఒక వికెట్ పడగొట్టాడు. ఇంగ్లాండ్ నిర్దేశించిన 388 పరుగుల భారీ లక్ష్యాన్ని ఛేదించేందుకు టీమిండియా మరికాసేపట్లో బరిలోకి దిగనుంది.
