కలెక్టర్ తీవ్ర స్థాయిలో ఆగ్రహం వ్యక్తం చేస్తూ, కస్తూర్బా పాఠశాల పరిసరాల్లో పిచ్చి మొక్కలు, వర్షపు నీరు నిల్వ ఉన్న గుంతలు, దోమల పెరుగుదల వంటి సమస్యలను గమనించారు. విద్యార్థులు పాములు లేదా విష కీటకాల బారిన పడితే ఎవరు బాధ్యులో అని స్పెషల్ ఆఫీసర్ శ్యామలకు ప్రశ్నించారు.
పాఠశాల పరిసరాలను తక్షణం శుభ్రం చేయాలని, నీరు నిల్వ ఉన్న గుంతల్లో ఆయిల్ బాల్స్ వేయించాలని ఆదేశించారు. ఆర్వో ప్లాంట్ నిరూపయోగంగా ఉన్నందున దాని మరమ్మత్తులు తక్షణం చేయించాలని కూడా సూచించారు.
మధ్యాహ్న భోజనం మెనూ ప్రకారం పౌష్టికాహారం అందించాలని నిర్వాహకులకు సూచించారు. పాఠశాలలోకి వెళ్లే వ్యక్తులను అనుమతించకుండా నిషేధించారు. విధుల్లో నిర్లక్ష్యం వహించే సిబ్బందిపై శాఖాపరమైన కఠిన చర్యలు తీసుకుంటామని హెచ్చరించారు.
కలెక్టర్ వారం రోజుల తర్వాత మళ్లీ పాఠశాలకు వస్తానని, ఆ లోపు అన్ని లోపాలను చక్కదిద్దాలని శ్యామలకు సూచించారు. పదో తరగతి గదిలో విద్యార్థులతో మాట్లాడి, వారి అభ్యసన సామర్థ్యాలను పరిశీలించారు. సరిగ్గా జవాబులు చెప్పిన విద్యార్థులకు చాక్లెట్లు బహుమతిగా ఇచ్చారు.
తహసీల్దార్ శ్రావణ్కుమార్, ఎంపీడీవో కమలాకర్ తదితర అధికారులు ఈ సందర్శనలో హాజరైరి.
