భారతి ఎయిర్టెల్ తన పోర్ట్ఫోలియో నుండి రూ. 549 వ్యక్తిగత పోస్ట్పెయిడ్ ప్లాన్ను తొలగించింది. తక్కువ ఖర్చుతో పోస్ట్పెయిడ్ సేవలు పొందుతున్న వినియోగదారులకు ఇది ప్రతికూల నిర్ణయం కానుంది. 2026 టారిఫ్ పెంపు ప్రక్రియలో భాగంగా కంపెనీ ఈ మార్పులు చేపట్టింది.
గతంలో ఈ ప్లాన్ ద్వారా వినియోగదారులకు అపరిమిత లోకల్, ఎస్టీడీ వాయిస్ కాలింగ్, రోజుకు 100 ఎస్ఎంఎస్లు, 40 జీబీ డేటా రోల్ఓవర్ సౌకర్యం లభించేవి. వీటితో పాటు ఎక్స్స్ట్రీమ్ ప్లే, వింక్ మ్యూజిక్ సబ్స్క్రిప్షన్లు కూడా అందుబాటులో ఉండేవి. ఇప్పుడు ఈ ప్లాన్ తొలగింపుతో కొత్త వినియోగదారులకు రూ. 449 ప్లాన్ ఎంట్రీ-లెవల్ ఎంపికగా మిగిలింది.
ఎక్కువ ప్రయోజనాలు కోరుకునే కస్టమర్లు ఇకపై రూ. 699 ఫ్యామిలీ ప్లాన్ను ఎంచుకోవాల్సి ఉంటుంది. రిలయన్స్ జియో, ఎయిర్టెల్ సంస్థలు తమ 5జీ మౌలిక సదుపాయాల అభివృద్ధి కోసం, ప్రతి సబ్స్క్రైబర్పై వచ్చే సగటు ఆదాయాన్ని (ARPU) పెంచుకునే లక్ష్యంతో చౌక ప్లాన్లను నిలిపివేస్తున్నాయి.
ప్రస్తుతం రూ. 549 ప్లాన్లో ఉన్న వినియోగదారులు తదుపరి బిల్లింగ్ సైకిల్ నుండి కొత్త ఖరీదైన ప్లాన్కు మారడం లేదా ప్రీపెయిడ్ కనెక్షన్కు వెళ్లడం తప్పనిసరి. కార్పొరేట్ కస్టమర్లకు లేదా కొన్ని ఫ్యామిలీ ప్లాన్లలో మాత్రమే ఎయిర్టెల్ ఇంకా చౌకైన ఎంపికలను కొనసాగిస్తోంది.
