రియల్ ఎస్టేట్ రంగంలో కొనుగోలుదారుల ప్రయోజనాలను కాపాడేందుకు ప్రభుత్వం తీసుకొచ్చిన రియల్ ఎస్టేట్ నియంత్రణ చట్టం (RERA) నిబంధనల నుంచి తమకు మినహాయింపు ఇవ్వాలని సుపర్టెక్ సంస్థ కోర్టును కోరింది. ఈ సంస్థ చేపట్టిన వివిధ ప్రాజెక్టుల పరిధిలో మొత్తం 49,748 ఇళ్లు ఉన్నాయి.
ఈ ప్రాజెక్టులకు సంబంధించి సంస్థ దాఖలు చేసిన పిటిషన్ను సుప్రీంకోర్టు విచారణకు స్వీకరించింది. ఈ అంశంపై సెప్టెంబరు 24న కోర్టు విచారణ జరపనుంది.
ఈ విచారణలో సుప్రీంకోర్టు ఇచ్చే తీర్పుపై సుపర్టెక్ ప్రాజెక్టుల్లో ఇళ్లు కొనుగోలు చేసిన వేలాది మంది ఆసక్తిగా ఎదురుచూస్తున్నారు. కోర్టు నిర్ణయం తర్వాతే ఈ ప్రాజెక్టుల భవిష్యత్తుపై స్పష్టత రానుంది.
