శ్రీదేవి అసాధారణ నటనను తాను ఇప్పటికీ పూర్తిగా అర్థం చేసుకోలేకపోతున్నానని రామ్గోపాల్ వర్మ పేర్కొన్నారు. ఆమె నటించిన ‘మిస్టర్ ఇండియా’ సినిమాలోని చార్లీ చాప్లిన్ సన్నివేశం ఆమె ప్రతిభకు నిదర్శనమని ఆయన గుర్తు చేశారు.
‘ది ఎంప్రెస్’ పుస్తకం పేరు కంటే ‘స్క్రీన్ క్వీన్’ అనే పేరు మరింత బాగుండేదని వర్మ అభిప్రాయపడ్డారు. తాను శ్రీదేవితో కలిసి పనిచేసిన ‘క్షణక్షణం’ సినిమా షూటింగ్ సమయంలో, ఆమె ప్రతి సన్నివేశానికి 15 నుంచి 20 రకాల హావభావాలను ప్రదర్శించేదని ఆయన వివరించారు.
చెన్నైలో తొలిసారి శ్రీదేవిని కలిసినప్పటి జ్ఞాపకాలను వర్మ పంచుకున్నారు. ఆమె మళ్లీ భూమిపైకి రావాలని కోరుకుంటున్నానని, అప్పుడు ఆమె ఎంత గొప్ప నటో ప్రపంచానికి మరోసారి తెలుస్తుందని ఆయన వ్యాఖ్యానించారు.
