పరీక్షల నిర్వహణలో పారదర్శకతను పెంచేందుకు, పేపర్ లీకేజీలు మరియు ఇతర అక్రమాలను నిరోధించే లక్ష్యంతో ప్రభుత్వం పబ్లిక్ ఎగ్జామినేషన్స్ (ప్రివెంషన్ ఆఫ్ యూన్ఫెయిర్ మీన్స్) అమెండ్మెంట్ బిల్లును ప్రవేశపెట్టింది. దీనికి పార్లమెంటు ఇప్పటికే ఆమోదం తెలిపింది.
ఈ కొత్త చట్టం ప్రకారం, పరీక్షల్లో అక్రమాలకు పాల్పడే వ్యక్తులకు కనీసం 5 సంవత్సరాల జైలు శిక్షతో పాటు రూ. 50 లక్షల వరకు జరిమానా విధిస్తారు. అక్రమ మార్గాలతో సంబంధం ఉన్న వ్యక్తులపై ఈ చర్యలు తీసుకుంటారు.
ఒకవేళ అక్రమాలకు సంబంధించిన సంఘటనలు తీవ్రంగా ఉంటే, నిందితులకు కనీసం 7 సంవత్సరాల జైలు శిక్ష పడుతుంది. అంతేకాకుండా, వారికి రూ. 10 కోట్ల వరకు జరిమానా చెల్లించాల్సి ఉంటుంది.
పరీక్షా వ్యవస్థలో అక్రమాలను పూర్తిగా నిరోధించేందుకు ప్రభుత్వం ఈ కఠినమైన నిబంధనలను రూపొందించింది. ఈ చట్టం అమలులోకి రావడం ద్వారా పరీక్షల నిర్వహణలో పారదర్శకత పెరుగుతుందని ప్రభుత్వం భావిస్తోంది.
