అయతుల్లా ఖమేనీ అంత్యక్రియల దృశ్యాలను కళ్లకు కట్టినట్లు వివరిస్తూ రాసిన పుస్తకాన్ని ఇరాన్లోని ఖోమ్ నగరంలో ఆవిష్కరించారు. 'మార్టిర్ ఆఫ్ ది ఉమ్మా అయతుల్లా సయ్యద్ అలీ హుస్సేనీ ఖమేనీ – ఏ ఫస్ట్-హ్యాండ్ క్రానికల్ ఆఫ్ ది హిస్టారిక్ ఫ్యూనరల్ ప్రొసెషన్' పేరుతో ఈ పుస్తకాన్ని హైదరాబాద్కు చెందిన సయ్యద్ జాఫర్ హుస్సేన్ రచించారు.
ఈ పుస్తకాన్ని టెహ్రాన్ విశ్వవిద్యాలయానికి చెందిన చరిత్రకారుడు ప్రొఫెసర్ రసూల్ జఫారియన్ అధికారికంగా విడుదల చేశారు. అంత్యక్రియల ఊరేగింపును స్వయంగా చూసిన అనుభవాలతో ఈ గ్రంథాన్ని రూపొందించినట్లు రచయిత పేర్కొన్నారు.
ఈ ఆవిష్కరణ కార్యక్రమంలో పలువురు మతపరమైన, విద్యాసంబంధిత ప్రముఖులు పాల్గొన్నారు. సమకాలీన ఇస్లామిక్ చరిత్రను నమోదు చేయడంలో రచయిత చేసిన కృషిని, ఆయన పరిశోధనా పటిమను ఈ సందర్భంగా పలువురు ప్రశంసించారు.
ఈ పుస్తకం ఒక ముఖ్యమైన చారిత్రక పత్రంగా నిలుస్తుందని కార్యక్రమంలో పాల్గొన్న ప్రముఖులు అభిప్రాయపడ్డారు. అంత్యక్రియల ఘట్టాన్ని డాక్యుమెంట్ చేయడం ద్వారా చరిత్రలో ఒక కీలక ఘట్టాన్ని భవిష్యత్ తరాలకు అందించే ప్రయత్నం జరిగిందని వారు పేర్కొన్నారు.
