తెలుగు సినీ పరిశ్రమలో నిర్మాతగా స్థిరపడిన దిల్ రాజు, తన కెరీర్ మొదట్లో డిస్ట్రిబ్యూటర్గా ఎన్నో కష్టాలు పడ్డారు. వరుసగా మూడు సినిమాలు ఫ్లాప్ అవ్వడంతో, తనపై 'ఐరన్ లెగ్' అనే ముద్ర పడిందని ఆయన గుర్తుచేసుకున్నారు. ఒక జగపతి బాబు సినిమాను పంపిణీ చేయడానికి ప్రయత్నించినప్పుడు, ఆ సినిమాలో హీరోయిన్ పాత్రపై నెగటివ్ కామెంట్స్ రావడంతో ఎవరూ ముందుకు రాలేదని ఆయన తెలిపారు.
అయితే, దివంగత లెజెండరీ నిర్మాత ఎం.ఎస్.రెడ్డి తనతో కలిసి పనిచేయడానికి ముందుకు రావడం తన కెరీర్లో పెద్ద మలుపు అని దిల్ రాజు చెప్పారు. ఆ సినిమా పంపిణీ కోసం ఇద్దరూ చెరో రూ.12 లక్షలు పెట్టుబడిగా పెట్టి భాగస్వామ్యం కుదుర్చుకున్నారు. ఈ ఒప్పందం తన కెరీర్ను మలుపు తిప్పడంలో కీలక పాత్ర పోషించిందని ఆయన పేర్కొన్నారు.
దిల్ సినిమాతో భారీ విజయం అందుకున్నప్పటికీ, ఆ తర్వాత వచ్చిన నిన్నే ఇష్టపడ్డాను, జై సినిమాలు ఆర్థికంగా నష్టాలను మిగిల్చాయని దిల్ రాజు వివరించారు. ఆ కష్ట సమయంలో ఆర్య చిత్రం వచ్చి తనను మళ్లీ నిలబెట్టిందని ఆయన చెప్పారు. డబ్బు కంటే విజయాన్ని ప్రేమించడం ముఖ్యమని, ఘర్షణలు ఎదురైనప్పుడు వ్యక్తుల ప్లస్, మైనస్లను విశ్లేషించి దూరం పెడతానని ఆయన స్పష్టం చేశారు.
ప్రస్తుతం దిల్ రాజు ఎల్లమ్మ సినిమాతో ప్రేక్షకుల ముందుకు రావడానికి సిద్ధమవుతున్నారు. ఈ సినిమా కోసం తెలంగాణ ఆడియన్స్ ఎంతో ఆసక్తిగా ఎదురుచూస్తున్నారు.
