కేజీఎఫ్, కేజీఎఫ్ 2 సినిమాలతో పాన్ ఇండియా హీరోగా గుర్తింపు పొందిన యశ్, ప్రస్తుతం సోషల్ మీడియాలో భారీ ఫ్యాన్ ఫాలోయింగ్ను కలిగి ఉన్నారు. ఇన్స్టాగ్రామ్లో ఆయనకు 1.4 కోట్ల మందికి పైగా ఫాలోవర్లు ఉన్నారు. అయితే, ఇంతమంది ఫాలోవర్లు ఉన్నప్పటికీ, యశ్ మాత్రం కేవలం ఒకే ఒక్క వ్యక్తిని మాత్రమే ఫాలో అవుతున్నారు.
ఇటీవల జరిగిన ఒక ఇంటర్వ్యూలో, ఒక అభిమాని యశ్ ను ఈ విషయం గురించి ప్రశ్నించారు. “మీకు 1.4 కోట్ల మంది ఫాలోవర్లు ఉన్నా, మీరు ఒక్కరిని మాత్రమే ఎందుకు ఫాలో అవుతున్నారు? ఆ వ్యక్తి ఎవరు?” అని ఆమె అడిగారు. దీనికి యశ్ నవ్వుతూ, ఆ వ్యక్తి తన భార్య అని సమాధానం ఇచ్చారు.
తన భార్య గురించి యశ్ ఎంతో ప్రేమగా మాట్లాడారు. ఆమె తన జీవితంలో అత్యంత ముఖ్యమైన వ్యక్తి అని, తన భార్య మాత్రమే కాకుండా బెస్ట్ ఫ్రెండ్ కూడా అని ఆయన చెప్పారు. తామిద్దరం కలిసి ఎదిగామని, ఆమె తన జీవితానికి బలమైన ఆధారం అని యశ్ పేర్కొన్నారు. ఒకవేళ తాను తన భార్యను కూడా ఫాలో అవ్వకుండా ఫాలోయింగ్ లిస్టును సున్నా చేస్తే, తనకు ఇబ్బందులు తప్పవని ఆయన సరదాగా వ్యాఖ్యానించారు.
ప్రస్తుతం యశ్ తన రాబోయే సినిమాల ప్రమోషన్లలో బిజీగా ఉన్నారు. మలయాళ దర్శకురాలు గీతూ మోహన్ దాస్ తెరకెక్కించిన 'టాక్సిక్' సినిమా ఆగస్టు 26న ప్రపంచవ్యాప్తంగా విడుదల కానుంది. ఈ సినిమాతో పాటు, ఎంతో మంది ఎదురుచూస్తున్న 'రామాయణం' చిత్రంలో రావణుడి పాత్రలో యశ్ నటిస్తున్నారు. ఈ రెండు సినిమాలతో ఆయన క్రేజ్ మరింత పెరిగింది.
