బొల్లా బ్రదర్స్ నివాసంలో స్థానిక పోలీస్ స్టేషన్ కానిస్టేబుళ్లు కల్లు పార్టీ చేసుకుంటుండగా ఈగల్ ఫోర్స్ అధికారులు దాడి చేశారు. ఆ సమయంలో అక్కడున్న ఎస్సై తన పోలీస్ మ్యాన్ప్యాక్ (పోలీసులు సమాచారం కోసం వాడే వాకీటాకీ)ను నిందితుల కారులోనే వదిలి వెళ్లినట్లు గుర్తించారు. దీనిపై సైబరాబాద్ పోలీసులు సదరు ఎస్సైని విచారించారు.
క్యాటరింగ్ బాయ్స్ను సరఫరా చేసే ముసుగులో బొల్లా బ్రదర్స్ గంజాయి దందా నడుపుతున్నారని రిమాండ్ రిపోర్టులో తేలింది. వీరు రోజుకు 25 సార్లు డెడ్ డ్రాప్ పద్ధతిలో — అంటే నేరుగా కస్టమర్లకు కనిపించకుండా నిర్ణీత ప్రదేశాల్లో గంజాయి ప్యాకెట్లు వదిలి వెళ్లే పద్ధతిలో — గంజాయిని సరఫరా చేస్తున్నారు. నంబర్ ప్లేట్ లేని బైక్లను వాడుతూ, ఒడిశా నుంచి గంజాయి రవాణా కోసం 30 మందిని వీరు నియమించుకున్నారు.
ఈ కేసులో రాజ్కుమార్, బొల్లా దుర్గాప్రసాద్, బొల్లా కిరణ్, బొల్లా కమలాకర్, బొల్లా హారికను నిందితులుగా చేర్చారు. వీరి నుంచి 14 కేజీల గంజాయి, 7 వాహనాలు, 9 ఫోన్లను పోలీసులు స్వాధీనం చేసుకున్నారు. నిందితులపై చట్టపరమైన చర్యలు కొనసాగుతున్నాయి.
