రజినీకాంత్ నటించిన 'జైలర్ 2' అక్టోబర్ 15న ప్రేక్షకుల ముందుకు రానుంది. నెల్సన్ దర్శకత్వంలో వస్తున్న ఈ సినిమాపై అభిమానుల్లో భారీ అంచనాలు ఉన్నాయి. బాక్సాఫీస్ వద్ద తన దూకుడు కొనసాగుతుందని రజినీ భావిస్తున్నారు.
అయితే, రజినీకి పోటీగా ఆయన మాజీ అల్లుడు ధనుష్ రంగంలోకి దిగుతున్నారు. రాజ్కుమార్ పెరియసామి దర్శకత్వంలో ధనుష్ నటించిన 'ఓం' సినిమా అక్టోబర్ 16న విడుదల కానుంది. 'అమరన్' సినిమాతో సక్సెస్ అందుకున్న దర్శకుడు కావడంతో ఈ చిత్రంపై ప్రేక్షకుల్లో ఆసక్తి పెరిగింది.
వీరితో పాటు మెగాస్టార్ చిరంజీవి కూడా తన 'విశ్వంభర' సినిమాతో అక్టోబర్ 16న పోటీలో నిలుస్తున్నారు. కేవలం రెండు రోజుల వ్యవధిలో ఈ మూడు పెద్ద సినిమాలు విడుదలవుతుండటంతో బాక్సాఫీస్ వద్ద ఆసక్తికరమైన పోటీ నెలకొంది.
గతంలో భోళా శంకర్, జైలర్ సినిమాలతో చిరంజీవి, రజినీకాంత్ పోటీపడ్డారు. ఆనాటి పోటీ లెక్కలను ఈసారి సరిచేయాలని చిరంజీవి సిద్ధమవుతున్నారు. ఈ మూడు సినిమాలు తెలుగులో కూడా విడుదల కానుండటంతో అభిమానులకు పండగ వాతావరణం కనిపిస్తోంది.
