మెమరీ మేకర్స్ బ్యానర్పై హరికృష్ణ సోమిశెట్టి నిర్మించిన 'ది రెడ్ బ్యాగ్' సినిమా ఆగస్టు 21న ప్రేక్షకుల ముందుకు రానుంది. ఇప్పటికే ఈ సినిమాకు సంబంధించిన పోస్టర్లు, టీజర్, పాటలు ప్రేక్షకుల్లో ఆసక్తిని పెంచాయి.
ఈ చిత్రంలో కబీర్ సింగ్, ప్రసాద్ బెహరా, రాధ్య, మోనిక, స్నేహా సింగ్, ఆకాంక్ష, ఈషాన్ శంకర్, అవినాష్ బాదల్, భార్గవి, రాశీ తదితరులు కీలక పాత్రలు పోషించారు. సస్పెన్స్, యాక్షన్ అంశాలతో ఈ సినిమాను రూపొందించినట్లు చిత్ర బృందం తెలిపింది.
సినిమాలోని యాక్షన్ సన్నివేశాల చిత్రీకరణకు మంచి స్పందన వచ్చిందని నిర్మాత హరికృష్ణ సోమిశెట్టి పేర్కొన్నారు. ఇప్పటివరకు విడుదలైన కంటెంట్ కేవలం శాంపిల్ మాత్రమేనని, అసలైన థ్రిల్ థియేటర్లలోనే ఉంటుందని ఆయన చెప్పారు.
సినిమా కథనం చివరి వరకు ఊహించని మలుపులతో సాగుతుందని నిర్మాత ధీమా వ్యక్తం చేశారు. కొత్త సంగీత దర్శకులు అందించిన నేపథ్య సంగీతం, సినిమాటోగ్రఫీ ఈ చిత్రానికి అదనపు బలంగా నిలుస్తాయని ఆయన వివరించారు.
సినిమాలోని కంటెంట్ నచ్చడంతో పీవీఆర్ ఐనాక్స్ పిక్చర్స్ ఈ చిత్రాన్ని రెండు తెలుగు రాష్ట్రాలతో పాటు విదేశాల్లోనూ భారీగా విడుదల చేస్తోంది. నిర్మాత చెబుతున్నట్లుగా ఈ సినిమా ప్రేక్షకుల అంచనాలను అందుకుంటుందో లేదో ఆగస్టు 21న తేలనుంది.
