తెలంగాణ ప్రభుత్వ ప్రధాన కార్యదర్శి సంజయ్ జజు జిల్లా కలెక్టర్లతో నిర్వహించిన వీడియో కాన్ఫరెన్స్లో వ్యవసాయ రంగం మరియు ఆహార భద్రతపై సమీక్షించారు. కొన్ని జిల్లాల్లో సాధారణం కంటే తక్కువ వర్షపాతం నమోదైన నేపథ్యంలో, కలెక్టర్లు అప్రమత్తంగా ఉండాలని ఆయన సూచించారు. ఆయా జిల్లాల పరిస్థితులకు అనుగుణంగా ప్రత్యామ్నాయ పంటల ప్రణాళికలను సిద్ధం చేసుకోవాలని ఆదేశించారు.
రైతులకు నాణ్యమైన విత్తనాలు, ఎరువుల పంపిణీని నిరంతరం పర్యవేక్షించాలని కలెక్టర్లకు సూచించారు. పంటల మార్పిడిపై రైతుల్లో అవగాహన కల్పించాలని ఆయన పేర్కొన్నారు. వర్షాకాలంలో సీజనల్ వ్యాధులు ప్రబలకుండా వివిధ శాఖల మధ్య సమన్వయం ఉండాలని, గ్రామీణ మరియు పట్టణ ప్రాంతాల్లో తాగునీటి సరఫరాకు ఎలాంటి ఇబ్బందులు లేకుండా చూడాలని ఆదేశించారు.
మధ్యాహ్న భోజన పథకం కోసం వంట గదుల నిర్మాణానికి అనువైన స్థలాలను గుర్తించాలని సంజయ్ జజు కలెక్టర్లను ఆదేశించారు. ఈ పనుల కోసం అవసరమైన ప్రతిపాదనలను వారం రోజుల్లోగా సిద్ధం చేయాలని ఆయన స్పష్టం చేశారు. విద్యుత్ సరఫరా పరిస్థితిని కూడా ఎప్పటికప్పుడు పర్యవేక్షించాలని అధికారులకు సూచించారు.
