రాయలసీమలో ఏళ్ల తరబడి కొనసాగుతున్న నీటి కొరతను తీర్చడంలో గత ప్రభుత్వాలు విఫలమయ్యాయని రాయలసీమ జనతా పార్టీ వ్యవస్థాపకులు కోటూరు సత్యనారాయణ గుప్త పేర్కొన్నారు. కర్నూలులో ఉన్న నీటి వనరులు మురుగునీరు, కాలుష్యం కారణంగా దెబ్బతింటున్నాయని ఆయన ఆందోళన వ్యక్తం చేశారు. ప్రతి ఏటా వర్షాకాలంలో వృథాగా సముద్రంలోకి వెళ్తున్న వరద నీటిని ఒడిసిపట్టే ప్రయత్నం జరగడం లేదని ఆయన గుర్తు చేశారు.
పరిశ్రమల స్థాపనపై చూపే శ్రద్ధను సాగు, తాగునీటి ప్రాజెక్టుల పూర్తిపై చూపాలని ఆయన ప్రభుత్వానికి సూచించారు. పరిశ్రమలు నడవాలన్నా ముందుగా వాటికి నీటి కేటాయింపులు అవసరమని, ఈ విషయాన్ని ప్రభుత్వం గుర్తించాలని కోరారు. ఎన్నికల సమయంలో ఇచ్చిన హామీలను నెరవేర్చడం, సహజ వనరులను కాపాడటం ప్రభుత్వ ప్రాథమిక బాధ్యత అని ఆయన స్పష్టం చేశారు.
పెండింగ్లో ఉన్న సాగునీటి ప్రాజెక్టులను పూర్తి చేయడంతో పాటు కాలువ వ్యవస్థను ఆధునీకరించాలని ఆయన డిమాండ్ చేశారు. భవిష్యత్ తరాల కోసం నీటి హక్కులను కాపాడటం అత్యంత ఆవశ్యకమని ఆయన పేర్కొన్నారు. ఈ చర్యలు చేపట్టినప్పుడే ప్రాంతం అభివృద్ధి చెందుతుందని ఆయన అభిప్రాయపడ్డారు.
