యష్ నటించిన ‘టాక్సిక్’ సినిమా ఇంగ్లీష్ వెర్షన్ సెప్టెంబర్ 4న ముంబై, బెంగళూరు, గురుగ్రామ్, నోయిడా నగరాల్లోని కొన్ని థియేటర్లలో విడుదలైంది. దేశవ్యాప్తంగా మొత్తం 11 షోలు ప్రదర్శించగా, తొలి రోజు సుమారు 450 టికెట్లు మాత్రమే అమ్ముడయ్యాయి. దీని ద్వారా వచ్చిన వసూళ్లు దాదాపు రూ. 1.40 లక్షలకే పరిమితమయ్యాయి.
గురుగ్రామ్, నోయిడా నగరాల్లో పరిస్థితి మరింత బలహీనంగా ఉంది. ఈ రెండు నగరాల్లో ఒక్కో చోట 25 కంటే తక్కువ టికెట్లు అమ్ముడయ్యాయని ట్రేడ్ రిపోర్టులు చెబుతున్నాయి. ముంబై, బెంగళూరులో మిగతా ప్రాంతాల కంటే కొంత మెరుగైన ఆక్యుపెన్సీ కనిపించినప్పటికీ, నిర్మాతలు ఆశించిన స్థాయిలో డిమాండ్ లేదు.
ఈ ఇంగ్లీష్ వెర్షన్ను మిగతా భాషల కంటే సుమారు 17 నిమిషాల తక్కువ నిడివితో రూపొందించారు. దీని రన్టైమ్ 2 గంటల 57 నిమిషాలుగా ఉంది. కొత్త కట్ ద్వారా ప్రేక్షకులను ఆకట్టుకోవాలని మేకర్స్ ప్రయత్నించినప్పటికీ, అది పెద్దగా ప్రభావం చూపలేదు.
ఈ సినిమా ఆగస్టు 26న కన్నడ ఒరిజినల్తో పాటు హిందీ, తెలుగు, తమిళ, మలాయళ భాషల్లో విడుదలైంది. మొదటి రోజు రూ. 101.10 కోట్ల నెట్ వసూళ్లతో భారీ ఓపెనింగ్ సాధించినప్పటికీ, నెగిటివ్ టాక్ కారణంగా ఆ తర్వాత వసూళ్లు తగ్గాయి. 10 రోజులు పూర్తి చేసుకునేసరికి ప్రపంచవ్యాప్తంగా రూ. 331 కోట్ల గ్రాస్ వసూళ్లను ఈ సినిమా రాబట్టింది.
ప్రస్తుత ట్రేడ్ అంచనాల ప్రకారం, ఇంగ్లీష్ వెర్షన్ లైఫ్టైమ్ కలెక్షన్ రూ. 10 లక్షల మార్కును కూడా దాటకపోవచ్చు. భారతదేశంలో 10వ రోజు నాటికి రూ. 241.05 కోట్ల నెట్ వసూళ్లు రాగా, ఓవర్సీస్ నుండి రూ. 43.25 కోట్ల గ్రాస్ వసూలైంది. ఈ గణాంకాలను బట్టి చూస్తే, సినిమా పెట్టిన పెట్టుబడి కూడా రికవరీ కాలేదని తెలుస్తోంది.
