కార్మానుకొండలో ఆదివారం అర్ధరాత్రి పాముకాటు బాధితురాలైన ప్రియ (16) ను ఆమె తండ్రి లక్ష్మారెడ్డి మరియు కుటుంబ సభ్యులు డోలీలో నాలుగు కొండలు దాటి, ఏడు కిలోమీటర్లు కాలినడకన తరలించారు. రహదారి లేకపోవడంతో అంబులెన్స్ అందుబాటులో లేకపోవడం వల్ల ఈఎన్టీ వెంకట్ తన మోటారు బైక్ లో ఆమెను కూటూరు పీహెచ్సీకి తీసుకెళ్లారు.
కూటూరు పీహెచ్సీలో వైద్యుడు లేకపోవడంతో స్టాఫ్ నర్స్ ప్రథమ చికిత్స ఇచ్చి, చింతూరు ఏరియా ఆస్పత్రికి పంపించారు. అక్కడ డాక్టర్లు పరీక్షించి మెరుగైన వైద్యం కోసం భద్రాచలం ప్రభుత్వ ఆస్పత్రికి రిఫర్ చేశారు.
భద్రాచలం ప్రభుత్వ ఆస్పత్రిలో ప్రియ ఐసీయూలో చేర్చబడింది. వైద్యులు ఆమె ఆరోగ్యంపై స్పష్టత రావడానికి 24 గంటలు గడిస్తేగానీ తెలుసుకోగలరని తండ్రి తెలిపాడు.
పీహెచ్సీలో వైద్యులు లేకపోవడం వల్ల గిరిజన ప్రజలు తీవ్ర అవస్థల్లో బతుకులు కొనసాగిస్తున్నారు. పోలవరం జిల్లాలోని చింతూరు డివిజన్ ప్రాంతాల్లో ఆరోగ్య సౌక్యం లేకపోవడం ప్రజలకు నరకప్రాయంగా మారింది.
