కమర్షియల్ సినిమాలతో గుర్తింపు పొందిన మైత్రీ మూవీ మేకర్స్ సంస్థ, తొలిసారిగా హార్రర్ జోనర్లోకి అడుగుపెడుతోంది. '418' పేరుతో రూపొందుతున్న ఈ చిత్రాన్ని కేజీఎఫ్ దర్శకుడు ప్రశాంత్ నీల్ సమర్పిస్తున్నారు.
ఈ సినిమాలో 'పతంగ్' చిత్రంతో గుర్తింపు తెచ్చుకున్న సోషల్ మీడియా పర్సనాలిటీ ప్రీతి పగడాల ప్రధాన పాత్రలో నటిస్తోంది. చరణ్ లక్కరాజు, సూర్య రాజ్ కీలక పాత్రలు పోషిస్తున్నారు. కీర్తన్ నాదగౌడ ఈ చిత్రానికి దర్శకత్వం వహిస్తున్నారు.
ఈ సినిమాకు వెంకీ జీజీ సంగీతం అందిస్తుండగా, దినేశ్ దినకరన్ సినిమాటోగ్రాఫర్గా వ్యవహరిస్తున్నారు. తాజాగా చిత్రబృందం విడుదల చేసిన పోస్టర్లో, పొడవాటి జుట్టుతో ఉన్న యువతి బ్యాక్ లుక్ ప్రేక్షకుల్లో ఆసక్తిని కలిగిస్తోంది.
ఈ హార్రర్ చిత్రాన్ని జులై 31, 2026న గ్రాండ్గా విడుదల చేస్తున్నట్లు చిత్ర యూనిట్ అధికారికంగా ప్రకటించింది.
