కేంద్ర ప్రభుత్వ పీఎం-ఉషా (PM-USHA) పథకం ద్వారా పాలమూరు యూనివర్సిటీకి రూ. 100 కోట్ల భారీ నిధులు అందాయి. రాష్ట్రంలోని ఇతర విశ్వవిద్యాలయాలతో పోలిస్తే, ఈ గ్రాంట్ పొందిన ఏకైక విద్యాసంస్థగా పాలమూరు యూనివర్సిటీ నిలిచింది.
ఈ సందర్భంగా యూనివర్సిటీ, కేంద్ర విద్యాశాఖ సంయుక్తంగా 'విజన్ ఇండియా 2047' పేరుతో రెండు రోజుల పాటు జాతీయ సదస్సును నిర్వహించాయి. ప్రాంతీయ అవసరాలకు అనుగుణంగా విద్య, పరిశోధనలను అనుసంధానించడమే ఈ సదస్సు ప్రధాన ఉద్దేశ్యం.
ఈ కార్యక్రమంలో పాల్గొన్న ఎంపీ డీకే అరుణ యువతకు కీలక పిలుపునిచ్చారు. వినూత్న ఆలోచనలు, పరిశోధనలు, కొత్త ఆవిష్కరణల ద్వారా 'విక్షిత్ భారత్' నిర్మాణంలో విద్యార్థులు భాగస్వాములు కావాలని ఆమె కోరారు.
పాలమూరు యూనివర్సిటీ ప్రపంచ స్థాయి పరిశోధనలకు, ఆవిష్కరణలకు వేదికగా మారుతుందని డీకే అరుణ ఆశాభావం వ్యక్తం చేశారు. ఈ నిధుల వినియోగం ద్వారా విద్యా ప్రమాణాలను పెంచే దిశగా యూనివర్సిటీ అడుగులు వేయనుంది.
