జగిత్యాల జిల్లా రూరల్ మండలం పొరండ్ల గ్రామంలో విషజ్వరం తీవ్రంగా వ్యాపిస్తోంది. ఈ జ్వరం బారిన పడి ఇద్దరు ఆరు ఏళ్ల పిల్లలు హరిస్మిత్, వరుణ్ తేజ మరణించారు. వరుణ్ తేజ రెండు రోజుల క్రితం మరణించగా, హరిస్మిత్ నిన్న ఉదయం ఆసుపత్రిలో చికిత్స పొందుతున్నప్పుడు మరణించాడు.
వైద్యులు ప్రాథమికంగా ఈ మరణాలు విషజ్వరం వల్ల కలిగిన తీవ్ర అస్వస్థతతోనే జరిగాయని నిర్ధారించారు. ప్రస్తుతం గ్రామ సర్వేలో 20 మందికి పైగా జ్వరంతో బాధపడుతున్నట్లు గుర్తించారు.
ఈ పరిస్థితిని అరికట్టేందుకు ఆరోగ్య శాఖ పొరండ్లలో ప్రత్యేక వైద్య శిబిరాలు ఏర్పాటు చేసింది. వైద్య సిబ్బంది ఇప్పటి నుంచి ప్రతి ఇంటికీ తిరుగుతూ ఆరోగ్య పరీక్షలు నిర్వహిస్తున్నారు. జ్వరం, వాంతులు, విరేచనాలు వంటి లక్షణాలు కనిపించినా తక్షణం వైద్య సహాయం తీసుకోవాలని అధికారులు స్పష్టం చేశారు.
