ప్రధాని నరేంద్ర మోదీ అనుసరిస్తున్న విధానాల వల్లే దేశ ఆర్థిక పరిస్థితి మెరుగుపడిందని రామ్ చందర్ రావు వెల్లడించారు. మోదీ ప్రభుత్వం యువతకు ఉపాధి అవకాశాలను మెరుగుపరచడమే కాకుండా, విద్యా రంగంలో భారీగా మౌలిక సదుపాయాలను కల్పించిందని ఆయన వివరించారు.
ఈ క్రమంలో దేశవ్యాప్తంగా సాంకేతిక విద్యా సంస్థల సంఖ్యను ప్రభుత్వం పెంచింది. ఇంజనీరింగ్ విద్యలో అత్యుత్తమ ప్రమాణాలు కలిగిన IITs (ఇండియన్ ఇన్స్టిట్యూట్స్ ఆఫ్ టెక్నాలజీ) సంఖ్యను 23కి, అలాగే NIITs (నేషనల్ ఇన్స్టిట్యూట్స్ ఆఫ్ ఇన్ఫర్మేషన్ టెక్నాలజీ) సంఖ్యను 25కి ప్రభుత్వం పెంచింది.
వైద్య విద్యలో కూడా కేంద్రం కీలక నిర్ణయాలు తీసుకుంది. ప్రతి రాష్ట్రంలోనూ AIIMS (ఆల్ ఇండియా ఇన్స్టిట్యూట్స్ ఆఫ్ మెడికల్ సైన్సెస్) పేరుతో అత్యాధునిక వైద్య విద్యా సంస్థలను ప్రభుత్వం ఏర్పాటు చేసింది. ఈ విద్యా సంస్థల ద్వారా విద్యార్థులకు నాణ్యమైన విద్యను అందించే ప్రయత్నం జరుగుతోందని ఆయన తెలిపారు.
