ఫ్రాన్స్ ఫుట్బాల్ సమాఖ్య (FFF) మంగళవారం జినెదినె జిదానేను జాతీయ జట్టు కోచ్గా ప్రకటించింది. 2021లో రియల్ మాడ్రిడ్ కోచ్ పదవి నుంచి తప్పుకున్న తర్వాత, ఐదేళ్ల విరామం అనంతరం జిదానే తిరిగి కోచింగ్ బాధ్యతల్లోకి వచ్చారు. ఆయనతో నాలుగు ఏళ్ల ఒప్పందం కుదుర్చుకున్నట్లు సమాఖ్య వెల్లడించింది.
ఇటీవల ముగిసిన ఫిఫా వరల్డ్కప్లో ఫ్రాన్స్ జట్టు సెమీస్లో స్పెయిన్ చేతిలో ఓడిపోయింది. ఈ పరాజయంతో 14 ఏళ్లుగా జట్టుకు కోచ్గా ఉన్న డిడియర్ డెస్చాంప్స్ తన పదవి నుంచి వైదొలిగారు. దీంతో ఆ స్థానాన్ని భర్తీ చేసేందుకు మాజీ కెప్టెన్ జిదానేను ఎంపిక చేశారు.
1998 వరల్డ్కప్ గెలిచిన ఫ్రాన్స్ జట్టులో డెస్చాంప్స్, జిదానే ఇద్దరూ సభ్యులుగా ఉన్నారు. 2006 ఫిఫా వరల్డ్కప్ తర్వాత రిటైరైన జిదానే, తన కెరీర్లో 803 మ్యాచుల్లో 156 గోల్స్ సాధించారు. కోచ్గా ఆయనకు త్వరలో ప్రారంభం కానున్న యూఈఎఫ్ఏ నేషన్స్ లీగ్ తొలి పరీక్షగా నిలవనుంది.
