రాష్ట్ర ప్రభుత్వం ప్రతిష్టాత్మకంగా చేపట్టిన స్మార్ట్ రేషన్ కార్డుల పంపిణీ కార్యక్రమం నిజామాబాద్లో జరిగింది. ప్రభుత్వ సలహాదారు పి. సుదర్శన్ రెడ్డి ఈ కార్డులను లబ్ధిదారులకు అందజేశారు.
ఈ కార్యక్రమం సజావుగా సాగేలా జిల్లా కలెక్టర్ భావేష్ మిశ్రా ఏర్పాట్లను స్వయంగా పర్యవేక్షించారు. పేద, ఆర్థికంగా వెనుకబడిన కుటుంబాలకు రేషన్ సరుకులు సులభంగా అందేలా చూడటమే ఈ స్మార్ట్ కార్డుల ముఖ్య ఉద్దేశం.
ఈ కార్యక్రమంలో ప్రజా ప్రతినిధులు, రేషన్ కార్డు పొందిన లబ్ధిదారులు, రేషన్ డీలర్లు పెద్ద సంఖ్యలో పాల్గొన్నారు. వీరందరికీ ఇబ్బంది కలగకుండా జిల్లా యంత్రాంగం ప్రత్యేక ఏర్పాట్లు చేసింది.
