నర్సంపేటలోని మెడికల్ కాలేజీ ఎదురుగా ఉన్న దివంగత నేత పెద్ది సుదర్శన్ రెడ్డి విగ్రహాన్ని పోలీసులు భారీ భద్రత మధ్య తొలగించారు. ఈ ప్రాంతంలోకి ఎవరినీ అనుమతించడం లేదు, చివరికి విధుల్లో ఉన్న పోలీసులకు కూడా సెల్ఫోన్లను అనుమతించకుండా కఠిన ఆంక్షలు విధించారు.
ఈ పరిణామాల నేపథ్యంలో నర్సంపేట నియోజకవర్గం అంతటా బీఆర్ఎస్ (భారత రాష్ట్ర సమితి) పార్టీకి చెందిన ముఖ్య నాయకులను పోలీసులు అరెస్ట్ చేశారు. పరిస్థితిని అదుపులోకి తెచ్చేందుకు నర్సంపేటకు అదనపు బలగాలను తరలిస్తున్నారు.
గతంలో ఈ విగ్రహాన్ని ప్రైవేట్ భూమిలో ఏర్పాటు చేసినప్పుడు కూడా అధికారులు అడ్డుకున్నారు. అప్పట్లో ప్రైవేట్ భూమిలో విగ్రహం పెట్టుకుంటే మీకేంటని బీఆర్ఎస్ నాయకులు ప్రశ్నించారు. తాము చట్టపరంగా (లీగల్గా) ముందుకు వెళ్తామని పోలీసులను హెచ్చరించడంతో అప్పట్లో అధికారులు వెనక్కి తగ్గారు.
