హైదరాబాద్లోని మూసాపేట్ ప్రాంతంలోని 9 స్థలాల్లో ఏసీబీ అధికారులు జరిపిన సోదాల్లో REDCO ఇంజనీర్ ముత్యం వెంకట రమణ అరెస్ట్ అయ్యారు. ఈ సోదాల్లో అతని నివాసాలు, కార్యాలయాలు, సంబంధిత ప్రాంతాలతో పాటు మూసాపేట్లో రూ.20 కోట్లతో నిర్మాణంలో ఉన్న 10 అపార్ట్మెంట్లు గుర్తించబడ్డాయి.
సోదాల్లో 2 కిలోలకు పైగా బంగారం ఆభరణాలు, రూ.52 లక్షల నగదు, కియా-మహీంద్రా కార్లు, రూ.30 లక్షల గృహోపకరణాలు స్వాధీనం చేయబడ్డాయి. 20 మద్యం సీసాలు దొరికడంతో ఎక్సైజ్ విభాగం కూడా కేసు నమోదు చేసింది.
ప్రభుత్వ రికార్డుల ప్రకారం ఈ ఆస్తుల విలువ రూ.27.65 కోట్లు. బయట మార్కెట్ విలువ దీనికంటే చాలా ఎక్కువగా ఉందని అధికారులు తెలిపారు. 2019లో లంచం కేసులో అరెస్టైన ఈ అధికారిని ప్రస్తుతం జ్యుడీషియల్ రిమాండ్లో ఉంచారు.
