పింపుల్స్ లేదా మొటిమలను ఫ్యాషన్ స్టేట్మెంట్గా భావించే నేటితరం కోసం Faves సంస్థ సరికొత్త క్లారిఫైయింగ్ ఎల్ఈడీ ప్యాచ్ను రూపొందించింది. క్యాట్ ఆకారంలో, ఆరెంజ్ రంగులో ఉండే ఈ పరికరం మొటిమలను సమర్థంగా తగ్గిస్తుంది.
ఈ ప్యాచ్లో బ్లూ, రెడ్ అనే రెండు రకాల ఎల్ఈడీ లైట్లు ఉంటాయి. బ్లూ లైట్ మొటిమలకు కారణమయ్యే బ్యాక్టీరియాను చంపేయగా, రెడ్ లైట్ చర్మంపై ఎరుపుదనం, మంట, వాపును తగ్గించి చర్మాన్ని ప్రశాంతంగా ఉంచుతుంది. ఈ రెండు లైట్ల కలయిక వల్ల చర్మ రంధ్రాల పరిమాణం తగ్గి, చర్మం మెరుస్తూ మృదువుగా మారుతుంది.
జుట్టు సంరక్షణలో బాదం నూనె కూడా కీలక పాత్ర పోషిస్తుంది. ఇందులో ఉండే విటమిన్ ‘ఇ’, బయోటిన్ అనే పోషకాలు జుట్టు కుదుళ్లను దృఢపరిచి, జుట్టు రాలడాన్ని తగ్గించి వేగంగా పెరిగేలా చేస్తాయి. ఈ నూనె జుట్టు పొడిబారకుండా చూస్తూ, చిక్కులు పడకుండా సిల్కీగా ఉంచుతుంది.
బాదం నూనెలో ఉండే యాంటీఫంగల్ గుణాలు తలలో చుండ్రు, దురదను తగ్గిస్తాయి. గోరువెచ్చని నూనెను రాత్రంతా తలకు పట్టించి, మరుసటి రోజు మైల్డ్ షాంపూతో తలస్నానం చేస్తే మంచి ఫలితం ఉంటుంది.
ప్రాచీన కాలంలో ప్లాస్టిక్ దువ్వెనలు లేని సమయంలో, రాజకుటుంబాలు ఏనుగు దంతాలు లేదా ఎద్దుల కొమ్ములతో చేసిన దువ్వెనలను వాడేవారు. సామాన్య ప్రజలు వేప, గంధపు చెక్కతో చేసిన దువ్వెనలను ఉపయోగించేవారు, ఇవి తలలో ఫంగల్ ఇన్ఫెక్షన్లు రాకుండా కాపాడేవి.
ఆ రోజుల్లో జుట్టుకు సహజమైన సువాసన కోసం సంపెంగ, మల్లె, గులాబీ పువ్వులను జడలో తురుముకునేవారు. అలాగే మూలికలతో కలిపిన ఆవునేతిని జుట్టుకు పట్టించడం వంటి పద్ధతులను పాటించేవారు.
