సెమీకండక్టర్ రంగంలో తన కార్యకలాపాలను విస్తరించేందుకు Marvell Technology సిద్ధమైంది. రాబోయే మూడు సంవత్సరాల కాలంలో భారత్లో $250 మిలియన్ల పెట్టుబడిని ఈ సంస్థ పెట్టనుంది. AI, క్లౌడ్ మరియు డేటా ఇన్ఫ్రాస్ట్రక్చర్ అప్లికేషన్ల కోసం అత్యాధునిక సెమీకండక్టర్ పరిష్కారాలను అభివృద్ధి చేయడమే ఈ పెట్టుబడి ప్రధాన ఉద్దేశ్యం.
ఈ విస్తరణ ప్రణాళికలో భాగంగా Marvell Technology తన భారతీయ కార్యాలయాల్లో ఉద్యోగుల సంఖ్యను రెట్టింపు చేయాలని లక్ష్యంగా పెట్టుకుంది. దీనికోసం బెంగళూరు కార్యాలయంలో కొత్త విభాగాన్ని ప్రారంభించడంతో పాటు, హైదరాబాద్లో కూడా తన కార్యకలాపాలను విస్తరించనుంది. 2006లో భారత్లో కార్యకలాపాలు ప్రారంభించిన ఈ సంస్థకు ప్రస్తుతం బెంగళూరు, పుణె మరియు హైదరాబాద్లలో ఆఫీసులు ఉన్నాయి.
భారత ప్రభుత్వం సెమీకండక్టర్ల తయారీ కోసం $13.38 బిలియన్ల నిధులతో కొత్త ప్రోగ్రామ్ను ఆమోదించిన నేపథ్యంలో, Marvell Technology ఈ నిర్ణయం తీసుకోవడం గమనార్హం. ఈ పెట్టుబడి ద్వారా కంపెనీ తన సాంకేతిక సామర్థ్యాలను మరింత పెంచుకోనుంది.
