క్రెడిట్ కార్డ్ బకాయిల చెల్లింపులో జాప్యం జరిగినంత మాత్రాన అది ఉద్యోగ నిబంధనల ఉల్లంఘన లేదా దుష్ప్రవర్తన కిందకు రాదని జస్టిస్ జువ్వాడి శ్రీదేవి నేతృత్వంలోని ధర్మాసనం తీర్పు ఇచ్చింది. ఈ అంశంపై యూనియన్ బ్యాంక్ ఆఫ్ ఇండియా అధికారికి విధించిన నిర్బంధ పదవీ విరమణ ఉత్తర్వులను కోర్టు రద్దు చేసింది.
బ్యాంకుకు తన ఉద్యోగి జీతం నుండి క్రెడిట్ కార్డ్ బకాయిలను వసూలు చేసుకునే అధికారం ఉందని కోర్టు గుర్తు చేసింది. ఇప్పటికే సంబంధిత అధికారి నుండి బకాయి ఉన్న మొత్తం సొమ్మును బ్యాంకు వసూలు చేసుకుందని ధర్మాసనం పేర్కొంది.
ఈ నేపథ్యంలో, సదరు అధికారికి అందాల్సిన సర్వీసు, పెన్షన్ మరియు పదవీ విరమణ ప్రయోజనాలను ఎనిమిది వారాల్లోపు చెల్లించాలని బ్యాంకును కోర్టు ఆదేశించింది.
