2026 ఖేలో ఇండియా యూత్ గేమ్స్ను నిర్వహించేందుకు తెలంగాణ ప్రభుత్వం అన్ని ఏర్పాట్లు చేస్తోంది. ఈ క్రీడలను రాష్ట్రంలో విజయవంతంగా నిర్వహించేందుకు అవసరమైన సమన్వయ ప్రయత్నాలు చేయాలని స్పెషల్ ఛీఫ్ సెక్రటరీ జయేష్ రణజన్ పిలుపునిచ్చారు.
ఖేలో ఇండియా కార్యక్రమం క్రీడారంగంలో ఎంతటి ప్రాముఖ్యత కలిగి ఉందో స్పోర్ట్స్ అథారిటీ ఆఫ్ ఇండియా డిప్యూటీ డైరెక్టర్ జనరల్ మయంక్ స్రివాస్తవ (IPS) వివరించారు. యువ క్రీడాకారులను ప్రోత్సహించడంలో ఈ క్రీడలు కీలక పాత్ర పోషిస్తాయని ఆయన పేర్కొన్నారు.
రాష్ట్రంలో ఈ క్రీడలు దిగ్విజయంగా సాగాలని స్పోర్ట్స్ అథారిటీ ఆఫ్ తెలంగాణ వైస్ చైర్మన్ డాక్టర్ సోని బాల దేవి ఆకాంక్షించారు. ఈ క్రీడల నిర్వహణ కోసం అధికారులు, ప్రజలు కలిసికట్టుగా కృషి చేయాలని ప్రభుత్వం కోరుతోంది.
