బీఆర్ఎస్ ప్రభుత్వం పాలనలో కేసీఆర్ ప్రత్యేక శ్రద్ధతో కొత్తపల్లి-మనోహరాబాద్ రైల్వేలైన్ నిర్మాణ పనులు పూర్తి చేసినట్లు జనగామ ఎమ్మెల్యే పల్లా రాజేశ్వర్రెడ్డి వివరించారు. సిద్దిపేట జిల్లాలోని రాజీవ్ రహదారి దగ్గర నిర్మించిన కొమురవెల్లి మల్లికార్జునస్వామి పుణ్యక్షేత్రం రైల్వే స్టేషన్ ఆదివారం ప్రారంభోత్సవంలో జరిగిన కార్యక్రమంలో ఆయన మాట్లాడారు.
ఈ రైల్వే మార్గం నిర్మాణంతో గజ్వేల్, సిద్దిపేట, కొమువరెల్లి, సిరిసిల్ల ప్రాంతాల్లో ప్రయాణ సౌకర్యాలు మెరుగుపడతాయని తెలిపారు. భూసేకరణ వేగవంతంగా జరిగిందని, కేంద్ర-రాష్ట్ర నిధుల సమాన భాగస్వామ్యంతో నిర్మాణ పనులు జరిగాయని గుర్తుచేశారు.
కొమురవెల్లి మల్లన్న పుణ్యక్షేత్రం ప్రాంతం నుండి తెలంగాణ, మహారాష్ట్ర, ఛత్తీస్గఢ్ రాష్ట్రాల భక్తులు తరలివచ్చి దర్శనం చేసుకుంటున్నారని తెలిపారు. కేంద్ర రైల్వే శాఖతో భాగస్వామ్యంతో ఈ ప్రాజెక్ట్ను పూర్తి చేయడంలో కేసీఆర్ ప్రత్యేక కృతజ్ఞతలు తెలిపారు.
మొదటి దశలో గజ్వేల్, సిద్దిపేట, దుద్దెడ ప్రాంతాల పనులు పూర్తయ్యాయని, తన్నీరు హరీశ్రావు నిర్మాణ పనుల పర్యవేక్షణలో తర్వాతి దశలు కొనసాగుతున్నాయని తెలిపారు.
