ప్రస్తుతం ప్రశాంత్ నీల్ దర్శకత్వంలో 'డ్రాగన్' సినిమా షూటింగ్లో బిజీగా ఉన్నారు గ్లోబల్ స్టార్ ఎన్టీఆర్. రుక్మిణీ వసంత్ హీరోయిన్గా నటిస్తున్న ఈ హై ఓల్టేజ్ యాక్షన్ ఎంటర్టైనర్ వచ్చే ఏడాది ప్రేక్షకుల ముందుకు రానుంది. 'RRR' సినిమా తర్వాత ఎన్టీఆర్కు ప్రపంచవ్యాప్తంగా భారీ క్రేజ్ పెరిగింది. సామాన్యులే కాకుండా ఎంతోమంది సినీ ప్రముఖులు కూడా ఆయనకు వీరాభిమానులుగా ఉన్నారు.
ఈ క్రమంలో జబర్దస్త్ కమెడియన్ కారు మంచి రఘు అలియాస్ రోలర్ రఘు, ఎన్టీఆర్ పట్ల తనకున్న అమితమైన అభిమానాన్ని బయటపెట్టారు. ఎన్టీఆర్ నటించిన 'ఆది', 'అదుర్స్', 'ఊసరవెల్లి', 'బృందావనం', 'రభస', 'టెంపర్' వంటి 150కి పైగా సినిమాల్లో రఘు నటించారు. జబర్దస్త్ షోలో కంటెస్టెంట్గా మొదలై టీమ్ లీడర్గా ఎదిగిన రఘు, ప్రస్తుతం సినిమాలకు దూరంగా ఉంటున్నారు.
ఇటీవల ఒక ఇంటర్వ్యూలో రఘు మాట్లాడుతూ, ఎన్టీఆర్ కోసం ప్రాణాలు ఇవ్వడమే కాకుండా, ఆయన జోలికి వచ్చే వారి ప్రాణాలు తీయడానికైనా సిద్ధమని సరదాగా వ్యాఖ్యానించారు. ఎవరైనా ఎన్టీఆర్పై తప్పుగా మాట్లాడితే తన దగ్గరకు తీసుకురమ్మని, 24 గంటల్లోనే పని పూర్తి చేస్తానని ఆయన నవ్వుతూ చెప్పారు. తాను హైదరాబాద్కు చెందిన వాడినని కూడా ఈ సందర్భంగా రఘు గుర్తు చేశారు.
గతంలో కూడా రఘు తన అభిమానాన్ని పలుమార్లు చాటుకున్నారు. ఎన్టీఆర్ తనను 'పెద్దన్న' అని పిలిచేవారని, ఆయన కోసం ఏం చేయడానికైనా తాను వెనకాడనని రఘు పేర్కొన్నారు. తన శరీరంలో ఎన్టీఆర్ ఒక భాగంగా మిగిలిపోయారని ఆయన గతంలోనే వెల్లడించారు.
