ఉక్రెయిన్ అధ్యక్షుడు జెలెన్ స్కీ మధ్యప్రాచ్య ఉద్రిక్తతల నేపథ్యంలో రష్యా-ఇరాన్ సైనిక సహకారం గురించి సంచలన ఆరోపణలు చేశారు. జూలై ప్రారంభం నుంచి గల్ఫ్ దేశాలు, అమెరికా సైనిక స్థావరాలపై రష్యా శాటిలైట్లు సక్రియంగా నిఘా పట్టుతున్నట్లు ఉక్రెయిన్ ఇంటెలిజెన్స్ గుర్తించింది.
ఈ ఉపగ్రహాల ద్వారా సేకరించిన చిత్రాలు ఇరాన్ దాడులకు ముందు లక్ష్యాలను గుర్తించడానికి, దాడుల తర్వాత నష్టాన్ని అంచనా వేయడానికి ఉపయోగపడుతున్నాయని జెలెన్ స్కీ వివరించారు. జూలై 19 మరియు 20 తేదీల్లో బహ్రెయిన్, జోర్డాన్, కువైట్ లలోని నాలుగు కీలక వైమానిక స్థావరాలపై రష్యా ఉపగ్రహాల నిఘా నమోదైందని ఆయన ప్రత్యేకంగా పేర్కొన్నారు.
ఈ సమాచారాన్ని తమ భాగస్వామ్య దేశాలతో పంచుకోవడానికి ఉక్రెయిన్ తన ఇంటెలిజెన్స్ ఏజెన్సీలకు ఆదేశాలు జారీ చేసిందని జెలెన్ స్కీ తెలిపారు. రష్యా-ఇరాన్ రహస్య సహకారాన్ని అడ్డుకోవడానికి తమ వద్ద ఉన్న ఆధారాలను వెంటనే భాగస్వామ్య దేశాలకు అందజేస్తామని తెలిపారు.
