భారత అంతరిక్ష పరిశోధనా సంస్థ (ISRO) పే మ్యాట్రిక్స్ లెవల్-4 పరిధిలోకి వచ్చే అసిస్టెంట్, జూనియర్ పర్సనల్ అసిస్టెంట్, అప్పర్ డివిజన్ క్లర్క్ (UDC) మరియు స్టెనోగ్రాఫర్ పోస్టులను భర్తీ చేస్తోంది. మొత్తం 244 ఖాళీలలో హైదరాబాద్ కేంద్రంలో 15, శ్రీహరికోట కేంద్రంలో 49 పోస్టులు అందుబాటులో ఉన్నాయి. ఆసక్తి గల అభ్యర్థులు జులై 27, 2026 నుండి అధికారిక వెబ్సైట్ https://www.isro.gov.in/index.html ద్వారా దరఖాస్తు ప్రక్రియను పూర్తి చేయవచ్చు.
ఈ పోస్టులకు దరఖాస్తు చేసుకునే అభ్యర్థులు కనీసం 60 శాతం మార్కులతో డిగ్రీ పూర్తి చేసి ఉండాలి. అసిస్టెంట్, UDC పోస్టులకు కంప్యూటర్ పరిజ్ఞానం తప్పనిసరి కాగా, స్టెనోగ్రాఫర్ మరియు జూనియర్ పర్సనల్ అసిస్టెంట్ పోస్టులకు డిగ్రీతో పాటు కమర్షియల్ లేదా సెక్రటేరియల్ ప్రాక్టీస్లో డిప్లొమా ఉండాలి. అలాగే, స్టెనో-టైపిస్ట్ లేదా స్టెనోగ్రాఫర్గా కనీసం ఒక ఏడాది అనుభవం, ఇంగ్లిష్ స్టెనోగ్రఫీలో నైపుణ్యం ఉండాలని సంస్థ పేర్కొంది.
అభ్యర్థుల వయసు ఆగస్టు 16, 2026 నాటికి 28 ఏళ్లకు మించకూడదు. అయితే, ఓబీసీ అభ్యర్థులకు 31 ఏళ్లు, ఎస్సీ/ఎస్టీ అభ్యర్థులకు 33 ఏళ్ల వరకు వయో సడలింపు వర్తిస్తుంది. జనరల్ కేటగిరీ అభ్యర్థులు రూ. 500 దరఖాస్తు ఫీజు చెల్లించాల్సి ఉండగా, మహిళలు, ఎస్సీ, ఎస్టీ, దివ్యాంగులు మరియు ఎక్స్ సర్వీస్మెన్లకు ఫీజు నుండి మినహాయింపు ఇచ్చారు.
ఎంపికైన అభ్యర్థులకు నెలకు రూ. 25,500 ప్రాథమిక వేతనంతో పాటు నిబంధనల ప్రకారం ఇతర అలవెన్సులు అందుతాయి. దరఖాస్తులను ఆగస్టు 16, 2026 లోపు సమర్పించాల్సి ఉంటుంది. అంతరిక్ష రంగంలో కెరీర్ ఆశించే అభ్యర్థులు ఈ గడువులోగా దరఖాస్తు చేసుకోవాలని ఇస్రో సూచించింది.
