కేరళ రాష్ట్రంలోని కోజికోడ్ ప్రాంతానికి చెందిన శ్రీదేవి అనే ఆడ ఏనుగు బుధవారం రాత్రి హైదరాబాద్ పాతబస్తీకి చేరుకుంది. మొహర్రం సంతాప దినాల్లో భాగంగా ఈ నెల 26న జరగనున్న 10వ మొహర్రం సామూహిక ఊరేగింపులో అంబారీతో పాల్గొనేందుకు ఈ ఏనుగును తీసుకువచ్చారు.
ఈ ఊరేగింపులో డబీర్పురా బీబీకా అలావాకు చెందిన బీబీకా ఆలంతో షియా ముస్లింలు పాల్గొంటారు. ప్రధాన కార్యక్రమానికి ముందస్తు ఏర్పాట్లలో భాగంగా ట్రయల్ రన్ నిర్వహించడానికి అధికారులు సిద్ధమయ్యారు.
డబీర్పురా నుంచి ప్రారంభమయ్యే ఈ పరీక్షార్థ ఊరేగింపు చార్మినార్ మీదుగా సాగి చాదర్ఘాట్ వరకు కొనసాగుతుంది. నగర వీధుల్లో సాగనున్న ఈ ప్రక్రియ ద్వారా ప్రధాన ఊరేగింపుకు అవసరమైన ఏర్పాట్లను పరిశీలిస్తారు.
