భారత దేశవాళీ క్రికెట్ సీజన్ దలీప్ ట్రోఫీతో ఆగస్టు 23న మొదలవుతోంది. సెప్టెంబర్ 10 వరకు జరిగే ఈ టోర్నీలో మొత్తం ఆరు జోనల్ జట్లు నాకౌట్ పద్ధతిలో తలపడనున్నాయి. డిఫెండింగ్ ఛాంపియన్ సెంట్రల్ జోన్, రన్నరప్ సౌత్ జోన్ జట్లు నేరుగా సెమీఫైనల్స్కు అర్హత సాధించాయి.
ఈస్ట్ జోన్ జట్టులో 15 ఏళ్ల వైభవ్ సూర్యవంశీ వైస్ కెప్టెన్గా ఎంపికవ్వడం ఆసక్తి రేపుతోంది. ఇషాన్ కిషన్ కెప్టెన్గా వ్యవహరిస్తున్న ఈస్ట్ జోన్ జట్టు, ఆగస్టు 23 నుంచి 26 వరకు బెంగళూరులోని బీసీసీఐ సెంటర్ ఆఫ్ ఎక్సలెన్స్లో నార్త్ ఈస్ట్ జోన్తో మొదటి క్వార్టర్ ఫైనల్ ఆడనుంది. ఈ మ్యాచ్లో వైభవ్ బ్యాటింగ్ ప్రదర్శనపై అందరి దృష్టి ఉంది.
మరోవైపు నార్త్ జోన్, వెస్ట్ జోన్ జట్లు రెండో క్వార్టర్ ఫైనల్లో పోటీపడతాయి. ఈ క్వార్టర్ ఫైనల్ విజేతలు సెమీఫైనల్లో సెంట్రల్ జోన్, సౌత్ జోన్ జట్లతో తలపడతాయి. టోర్నీ విజేతను నిర్ణయించే ఫైనల్ మ్యాచ్ సెప్టెంబర్ 6 నుంచి 10 వరకు జరగనుంది.
ఈ టోర్నీలోని అన్ని మ్యాచ్లు భారత కాలమానం ప్రకారం ఉదయం 9:30 గంటలకు ప్రారంభమవుతాయి. ఈస్ట్ జోన్ క్వార్టర్ ఫైనల్లో గెలిస్తే, ఆగస్టు 30 నుంచి సెప్టెంబర్ 2 వరకు జరిగే మొదటి సెమీఫైనల్లో సెంట్రల్ జోన్తో తలపడుతుంది.
