రియల్మి P4s 5G స్మార్ట్ఫోన్ ఆగస్టు 26న భారత మార్కెట్లో విడుదల కానుంది. ఈ ఫోన్ గ్రీన్ బేజ్ మరియు బ్రౌన్ రంగుల్లో లభిస్తుందని కంపెనీ టీజర్ ద్వారా వెల్లడించింది. ఈ-కామర్స్ ప్లాట్ఫామ్ అయిన ఫ్లిప్కార్ట్ ద్వారా వినియోగదారులు ఈ ఫోన్ను కొనుగోలు చేయవచ్చు.
ఈ స్మార్ట్ఫోన్లో 1,272 × 2,772 పిక్సెల్స్ రిజల్యూషన్ మరియు 144 హెర్ట్జ్ రిఫ్రెష్ రేట్తో శాంసంగ్ M14 డిస్ప్లేను అమర్చారు. ఇది 6,500 నిట్స్ గరిష్ట బ్రైట్నెస్ను అందిస్తుంది. అంతేకాదు, నెట్ఫ్లిక్స్లో హెచ్డీఆర్ కంటెంట్ను చూసేందుకు వీలుగా హెచ్డీఆర్10+ సపోర్ట్ను కూడా ఈ డిస్ప్లే కలిగి ఉంది.
పనితీరు కోసం ఇందులో మీడియాటెక్ డైమెన్సిటీ 7400 అల్ట్రా 5G చిప్సెట్ను వాడారు. గ్రాఫిక్స్ ఎక్కువగా ఉండే పనుల కోసం ఇందులో ప్రత్యేకంగా హైపర్విజన్+ ఏఐ చిప్ కూడా ఉంది. ఫోన్ వెనుక భాగంలో 50MP డ్యూయల్ ఏఐ కెమెరా యూనిట్ ఉండగా, ఇది ఆప్టికల్ ఇమేజ్ స్టెబిలైజేషన్ (OIS) సపోర్ట్తో పనిచేస్తుంది.
ఈ ఫోన్ 6GB ర్యామ్, 128GB స్టోరేజ్ ప్రాథమిక వేరియంట్తో పాటు 8GB + 128GB, 8GB + 256GB, 12GB + 256GB వేరియంట్లలో లభించే అవకాశం ఉంది. బ్యాటరీ విషయానికి వస్తే, ఇందులో 8,000mAh సామర్థ్యం గల భారీ బ్యాటరీని అమర్చారు. ఇది 80 వాట్ల ఫాస్ట్ ఛార్జింగ్కు మద్దతు ఇస్తుంది.
ఈ బ్యాటరీ ఒక్కసారి ఛార్జ్ చేస్తే మూడు రోజుల వరకు వస్తుందని రియల్మి పేర్కొంది. గతంలో మార్చి నెలలో విడుదలైన రియల్మి P4 లైట్ 5G ఫోన్ 6.8 అంగుళాల డిస్ప్లే, మీడియాటెక్ డైమెన్సిటీ 6300 5G చిప్సెట్తో వచ్చింది. ఆ ఫోన్లో హీటింగ్ సమస్యలను తగ్గించేందుకు ఎయిర్ఫ్లో వేపర్ ఛాంబర్ కూలింగ్ సిస్టమ్ను కూడా అందించారు.
