2022లో ఆమ్ ఆద్మీ పార్టీ (AAP) తరఫున రాజ్యసభకు ఎన్నికైన హర్భజన్ సింగ్, ఈ ఏడాది ఏప్రిల్లో ఆ పార్టీని వీడి బీజేపీలో చేరారు. క్రీడలను ప్రోత్సహించడం, పంజాబ్లోని మాదకద్రవ్యాల సమస్యను పరిష్కరించడం వంటి అంశాలపై తాను రూపొందించిన ప్రణాళికలను పార్టీకి పదేపదే అందించినా, వాటిపై ఎలాంటి చర్యలు తీసుకోలేదని ఆయన వివరించారు.
రాజకీయాల కంటే క్రీడల అభివృద్ధిపైనే తన దృష్టి ఉంటుందని, ఆ ఉద్దేశంతోనే పంజాబ్ ముఖ్యమంత్రి భగవంత్ మాన్ ఆహ్వానం మేరకు పార్టీలో చేరానని హర్భజన్ చెప్పారు. అయితే, తాను ఆశించిన విధంగా క్రీడలకు సంబంధించిన అంశాలను జాతీయ స్థాయిలో లేవనెత్తే అవకాశం లభించకపోవడంతోనే పార్టీని వీడాలని నిర్ణయించుకున్నట్లు తెలిపారు.
మరోవైపు, హర్భజన్ సింగ్తో పాటు మరో ఆరుగురు ఎంపీలు పార్టీని వీడటంపై ఆమ్ ఆద్మీ పార్టీ తీవ్రంగా స్పందించింది. పార్టీని వీడిన వారు ద్రోహం చేశారని ఆరోపిస్తూ, జలంధర్లోని హర్భజన్ ఇంటి వద్ద నిరసనకారులు ఆయన దిష్టిబొమ్మను దహనం చేశారు.
ఈ నిరసనలపై స్పందించిన హర్భజన్, తనపై ప్రేమ చూపే సామాన్య ప్రజలు ఇలాంటి పనులకు పాల్పడరని పేర్కొన్నారు. ఆ నిరసనకారులు ఎక్కడి నుంచి వచ్చారో అందరికీ తెలుసని, తాను ఎవరికీ ద్రోహం చేయలేదని ఆయన స్పష్టం చేశారు.
